一八六一廚房 (已結業)

網上落單超方便，仲有幾個付款方式添。漢堡、薯條都係即叫即整。雖然要等一陣，但係可以食到新鮮熱辣嘅，梗係樂意之極啦。🍔嗌咗(皇帝漢堡)至尊鵝肝手打牛肉漢堡 $128鵝肝控表示超開心，難得小店有呢個選擇。仲要係幾厚身同大件，而中間舊手打牛肉充滿肉汁。唔怪得叫做皇帝漢堡！🍟薯條+蕃薯條係氣炸嫁，上面灑咗味椒鹽。保留到薯條嘅脆口但係又健康啲。🍤🧀芝士蝦球漢堡。$68竹炭漢堡包住脆口彈牙嘅大蝦、洋蔥、新鮮嘅生菜、厚切蕃茄配上芝士 值得一提，店主非常有禮。而製作漢堡都好用心，麵包係自家製，用鮮酵母，入面無豬油同糖。呢個價錢可以食到咁高質素嘅漢堡，性價比超高！！！下次會再嚟試下其他食物～