影片
更多
2024-05-26
249 瀏覽
食過佢哋銅鑼灣分店，覺得都幾有水準，今日再試吓佢哋旺角分店。晚餐同樣係有set，跟salad或湯，主菜同埋嘢飲。頭盤都係一個湯一個沙律。湯今日係洋蔥湯，自己平時其實唔好洋蔥，但係呢個洋蔥湯睇得出有勁多洋蔥，幾乎係清湯咁濟，好清甜，而且洋蔥係煮得入口即溶！沙律就正正常常，不過都睇得出用料係高質嘅，沙律菜新鮮，而且蕃茄都好甜。Today’s Special 燒五花腩配青醬扁意粉($188): 呢個燒得勁出色，同中式燒五花腩好唔同，食落去完全唔覺得油膩，只有脆香嘅外皮同埋入口即溶嘅豬油香，加上燒過嘅五花腩，感覺好滿足！ 扁意粉加上翠玉瓜同磨菇，味道較淡，但係同五花腩一齊食就唔會搶咗五花腩嘅味道。牛肝菌汁南非鮑魚仔意大利雲吞($198): 好足料！ ！ ！有十幾隻鮑魚仔再配上蘑菇，牛肝菌汁嘅味道調得剛剛好，唔會過喊過份搶咗意大利雲吞嘅味道。飲品方面就嗌咗凍檸茶(+$4)同埋青檸薄荷梳打(+$28)，想讚吓青檸薄荷梳打，雖然見到有綠色薄荷嘅調味，但係見到嘅薄荷葉份量好多，飲落去係真係有新鮮薄荷嘅味道，而且唔會覺得好甜，好清新開胃。總結：雖然鋪仔細細，但係嘢食真係有返咁上下，自己覺得如果咁樣嘅食物
頭盤都係一個湯一個沙律。湯今日係洋蔥湯，自己平時其實唔好洋蔥，但係呢個洋蔥湯睇得出有勁多洋蔥，幾乎係清湯咁濟，好清甜，而且洋蔥係煮得入口即溶！沙律就正正常常，不過都睇得出用料係高質嘅，沙律菜新鮮，而且蕃茄都好甜。
Today’s Special 燒五花腩配青醬扁意粉($188): 呢個燒得勁出色，同中式燒五花腩好唔同，食落去完全唔覺得油膩，只有脆香嘅外皮同埋入口即溶嘅豬油香，加上燒過嘅五花腩，感覺好滿足！ 扁意粉加上翠玉瓜同磨菇，味道較淡，但係同五花腩一齊食就唔會搶咗五花腩嘅味道。
牛肝菌汁南非鮑魚仔意大利雲吞($198): 好足料！ ！ ！有十幾隻鮑魚仔再配上蘑菇，牛肝菌汁嘅味道調得剛剛好，唔會過喊過份搶咗意大利雲吞嘅味道。
飲品方面就嗌咗凍檸茶(+$4)同埋青檸薄荷梳打(+$28)，想讚吓青檸薄荷梳打，雖然見到有綠色薄荷嘅調味，但係見到嘅薄荷葉份量好多，飲落去係真係有新鮮薄荷嘅味道，而且唔會覺得好甜，好清新開胃。
總結：雖然鋪仔細細，但係嘢食真係有返咁上下，自己覺得如果咁樣嘅食物質素配上呢個價錢，絕對係物超所值。絕對會再過嚟！
張貼
