影片
更多
2024-01-31
338 瀏覽
食物質素OK，環境好，侍應都算有禮。但係裡間分店规定只有1.5小時用餐時間。食咗一個鐘就已經上甜品，俾咗账单，提醒仲有半個鐘用餐時間，一定要準時交枱。一陣間又行過來催買單。唯有同屋企人倾少陣，快快脆脆食完離開。食餐飯都有壓力。個半鐘實在太趕時間，唔太合理。第一，來到裡間餐廳食飯嘅，唔係淨係為咗醫肚，係為咗搵個舒服地方同親朋好友聚餐倾偈。如果淨係為咗醫肚，就不如求其搵間餐廳快快脆脆食完就走。客人有食飯太趕時間嘅體驗，下次搵朋友相聚就不會再次選擇裡度。第二，餐廳唔係放題，火鍋食材價錢亦都唔平，平均消費都起碼400蚊，應該俾足夠時間客人享用。第三，本身打邊爐同小菜唔同，食打邊爐一定慢過食小炒。嗌煮好嘅餸，同自己邊煮邊食本身所需嘅時間都唔同。打邊爐應該多啲時間。第四，客人中途可能會想加單。食咗一個鐘已經印張單出來催人買單，客人唔會有心情再加單消費，亦都擔心加單是否係剩餘半個鐘內可以食完。影響客人體驗，亦都影響餐廳的生意額。明白餐廳想增加翻檯率，但1.5小時的用餐時間實在唔夠。起碼兩個鐘以上先較為合理。
食咗一個鐘就已經上甜品，俾咗账单，提醒仲有半個鐘用餐時間，一定要準時交枱。一陣間又行過來催買單。唯有同屋企人倾少陣，快快脆脆食完離開。食餐飯都有壓力。
個半鐘實在太趕時間，唔太合理。
第一，來到裡間餐廳食飯嘅，唔係淨係為咗醫肚，係為咗搵個舒服地方同親朋好友聚餐倾偈。如果淨係為咗醫肚，就不如求其搵間餐廳快快脆脆食完就走。客人有食飯太趕時間嘅體驗，下次搵朋友相聚就不會再次選擇裡度。
第二，餐廳唔係放題，火鍋食材價錢亦都唔平，平均消費都起碼400蚊，應該俾足夠時間客人享用。
第三，本身打邊爐同小菜唔同，食打邊爐一定慢過食小炒。嗌煮好嘅餸，同自己邊煮邊食本身所需嘅時間都唔同。打邊爐應該多啲時間。
第四，客人中途可能會想加單。食咗一個鐘已經印張單出來催人買單，客人唔會有心情再加單消費，亦都擔心加單是否係剩餘半個鐘內可以食完。影響客人體驗，亦都影響餐廳的生意額。
明白餐廳想增加翻檯率，但1.5小時的用餐時間實在唔夠。起碼兩個鐘以上先較為合理。
張貼