野玩田店

營業中

休息中

好朋友今日帶左我去尖沙咀食晚餐，話試過呢間野玩田店有驚喜，令我滿心期待😍去到感覺店內係大自然風，見到有一個個箱，原來係店主自己種植係比餐廳某啲食材，好有心思呢🥢小食拼盤（鹹蛋淮山、炸胡椒蝦及魷魚脆條、芝士蘑菇釀雞翼、牛油果粒蛋黃醬酥盒及自家製手工煎蟹餅）小食拼盤好長一碟，睇見都好有食慾，每一款炸嘅食物都好香脆夠熱，其中我最喜歡鹹蛋淮山同芝士蘑菇釀雞翼，鹹蛋淮山被滿滿嘅真鹹蛋黃包住，入面包住嘅係爽口淮山，所以冇咁多罪惡感😆而芝士蘑菇釀雞翼一啖咬落去食到芝士同時食到雞肉同蘑菇，口感豐富好夠味，同朋友一人一件岩岩好💯🥢野玩火鳳凰（酒釀三黄雞）三黃雞上菜我同朋友都嘩左聲，因為隻三黄雞好大隻呀！店員會淋啲白蘭地上去再點火，真係好岩我鍾意打卡影相，之後店員會幫忙將雞分件，三黃雞油脂分佈均勻，雞肉鮮嫩多汁，充滿雞油香，而且份量真係好多，我同朋友食到要打包😆🥢泰式冬陰功海鮮裸麥包好喜歡冬陰功+ 裸麥包呢個配搭，賣相好睇，冬陰功好香，夠酸又有椰奶香，仲有啲香茅，好足料，點住麥包食超正，而入面嘅海鮮樣樣都大大粒，好鮮😋🥢冰糖陳皮燉無花果好喜歡呢款自家製飲品，飲落好滋潤甜度又剛好💯🥢薏米三色藜麥米水味道清清