圓老爺雞煲小廚 (已結業)

今日早咗放工，6點天仲好光既時候已經同同事去食飯，但我地太好傾喇，一食就食到個天黑哂至出嚟😆今次係為咗雞煲而嚟，所以未睇餐牌已經點咗個啫啫滑雞煲（＄78），仲點咗極品陳醋咕嚕肉 （＄72）、香茅蒜香皇子鴿（＄58）、菌皇乾燒伊麵（＄88）同埋沙薑雞腳（＄48）。既然為雞煲而嚟，首先講咗雞煲先~佢配料足，嚟到既時候熱辣辣香噴噴，d雞同豬潤都醃得好入味，好味到我地最後連配料都係食哂😋咕嚕肉同皇子鴿既擺碟有花心思，好似幅中國畫咁，仲會有留白既地方~乾燒伊麵既份量一d都唔吝嗇，我地裝完一碗又一碗😆令本身鍾意食伊麵既我好滿足~沙薑雞腳份量都唔少，如果味道再濃d就更正🤩