日船章魚小丸子 (已搬遷) 新店位置

日船可以話係我食過性價比最高嘅章魚 小丸子。因爲而家好多地方更貴嘅都係唔好食。今日又重拾番當年回憶! 嚟到旺角油麻地分店買番盒。呢度除咗章魚小丸子之外， 仲可加配飲品變套餐。仲有冷麵啦， 芝士麵啦。仲有新產品， 溏心醉蛋。$7隻！由於剛開店時間無耐，又無咩人排隊，保証到 新鮮滾熱辣嘅質素。章魚小丸子$24 6粒。小丸子加左木魚，芥辣同沙律醬。外皮超脆口，食落唔會覺得好粉。每粒小丸子都平均有一粒大章魚，口感非常煙韌。