影片
更多
2022-01-17
98 瀏覽
聽到哩個鋪頭好耐，之前睇到YouTuber 同 food blogger 介紹過。廣東道分店喺一個商場入邊，啱啱係啲名店對面，其實唔難搵，但係個門口唔係好吸引，好唔起眼，好容易miss咗，唔係喺網上面見到啲介紹，真係唔會入嚟。上到去一樓，佢好似一個市集咁，但係個場好靜，可能咁岩係平日。即使所謂嘅市集，其實都係得幾檔有貨放喺度，同埋無職員，想買都買唔到😅在上一層，就會有嘢食，氣氛依然好靜。我諗我全程見到少過五位食客。因為有目標，就直接去咗長洲角酪店舖。叫咗莓莓角酪同角酪卷。杯乳酪同我想像中有啲唔一樣，初頭以為佢好似外國啲milkshake咁好杰身。飲落唔算太甜，有士多啤梨嘅酸味，同埋有啲紫米，一路飲一路有啲嘢咬下，都幾新鮮。幾好飲👍🏻至於個角酪卷，蛋糕鬆軟，但整體就覺得普普通通。佢係蝶豆花蛋糕，餡料係乳酪士多啤梨cream。可能蝶豆花本身冇乜味，除咗中間嘅cream好香、好滑，都食唔到有咩特別。商場係自助形式運作，先去中央繳費處點餐，然之後去相應嘅店舖攞嘢食。食完都要自己清理返垃圾。但係商場嘅安排實在有啲差，希望顧客自己清理垃圾，但係場內冇垃圾桶。食客要拎去扶手電梯旁邊嘅後樓梯垃圾桶。如
廣東道分店喺一個商場入邊，啱啱係啲名店對面，其實唔難搵，但係個門口唔係好吸引，好唔起眼，好容易miss咗，唔係喺網上面見到啲介紹，真係唔會入嚟。
上到去一樓，佢好似一個市集咁，但係個場好靜，可能咁岩係平日。即使所謂嘅市集，其實都係得幾檔有貨放喺度，同埋無職員，想買都買唔到😅
在上一層，就會有嘢食，氣氛依然好靜。我諗我全程見到少過五位食客。
因為有目標，就直接去咗長洲角酪店舖。
叫咗莓莓角酪同角酪卷。
杯乳酪同我想像中有啲唔一樣，初頭以為佢好似外國啲milkshake咁好杰身。飲落唔算太甜，有士多啤梨嘅酸味，同埋有啲紫米，一路飲一路有啲嘢咬下，都幾新鮮。幾好飲👍🏻
至於個角酪卷，蛋糕鬆軟，但整體就覺得普普通通。佢係蝶豆花蛋糕，餡料係乳酪士多啤梨cream。可能蝶豆花本身冇乜味，除咗中間嘅cream好香、好滑，都食唔到有咩特別。
商場係自助形式運作，先去中央繳費處點餐，然之後去相應嘅店舖攞嘢食。食完都要自己清理返垃圾。
但係商場嘅安排實在有啲差，希望顧客自己清理垃圾，但係場內冇垃圾桶。食客要拎去扶手電梯旁邊嘅後樓梯垃圾桶。
如果商場真係希望減少人手，由食客自己清理垃圾，最起碼應該要放返個垃圾桶喺商場入面。
如果從未食過長洲角酪嘅朋友，值得去試。不過商場嘅安排，實在有待改善。
張貼
