影片
更多
2016-04-23
613 瀏覽
比較少喺香港食韓國餐，一嚟唔好食，二嚟細碟，三嚟唔抵食，去韓國食好過.... 今日大雄話要食韓國嘢，搵到一間我一定會滿意嘅地方喎。心諗，平時搵餐廳一定係我做嘅，你真係搵到間我一定會滿意嘅韓國餐廳？係嘅我請你食又如何！佢話咁你請硬我都得喇，Ok咁大口氣就去試！原來係Cubus樓上嘅，試過呢棟大廈入面嘅幾間餐廳，真係好食㗎喎，心諗今晚都應該走唔甩要請食飯咯.....一入嚟已經有位韓籍언니同我哋打招呼，難道係老闆？餐廳地方闊落，檯與檯之間空間非常多，每一處都非常乾淨，雖然有播韓文歌，不過係好細聲。平時去嘅韓國餐廳，通常又迫又嘈又黑，想傾個計都傾唔到，呢度完全無呢啲問題，仲要街景一流，真真正正可以同朋友坐低食飯傾計！隔離枱仲要有一檯오빠，睇嚟都信得過喇啩，希望呢度唔會令我失望啦香港籍店員向我介紹menu，第一樣就推薦pizza，pizza就食得多，韓式pizza真係未食過佢話佢哋專登喺韓國訂咗個烤爐，再喺韓國運送啲pizza粉糰嚟香港。有別於其他地方嘅做法，佢哋先將粉糰兩面烤熟，之後先放材料再烤，所以會特別脆；烤爐除咗焗pizza外，仲會用嚟烤雞，最重要係，雞係來自韓國嘅走地雞啊！！！！！唔試
一入嚟已經有位韓籍언니同我哋打招呼，難道係老闆？餐廳地方闊落，檯與檯之間空間非常多，每一處都非常乾淨，雖然有播韓文歌，不過係好細聲。平時去嘅韓國餐廳，通常又迫又嘈又黑，想傾個計都傾唔到，呢度完全無呢啲問題，仲要街景一流，真真正正可以同朋友坐低食飯傾計！隔離枱仲要有一檯오빠，睇嚟都信得過喇啩，希望呢度唔會令我失望啦
香港籍店員向我介紹menu，第一樣就推薦pizza，pizza就食得多，韓式pizza真係未食過佢話佢哋專登喺韓國訂咗個烤爐，再喺韓國運送啲pizza粉糰嚟香港。有別於其他地方嘅做法，佢哋先將粉糰兩面烤熟，之後先放材料再烤，所以會特別脆；烤爐除咗焗pizza外，仲會用嚟烤雞，最重要係，雞係來自韓國嘅走地雞啊！！！！！唔試唔得啦 不過佢都有提醒我哋，BBQ雞係非常非常辣，唔食得辣千祈唔好叫；另外較特別嘅係Chicken & octopus fry，份量係非常非常大，大過半menu，如果兩個人食呢一碟已經會食唔落其他嘢，睇嚟同幾個朋友嚟食啱晒喎！
Chicken pizza 치킨피자 ($118)好肚餓好肚餓，等咗大概20分鐘pizza終於出場！新鮮出爐嘅pizza好香啊，即刻切嚟食啦仲等乜嘢？哇好多好多芝士，一咬開係可以拉到好長㗎！芝味香濃，好似落咗無窮無盡咁多芝士，太幸福喇！仲有紅椒、黃椒、青椒、pepperoni、洋蔥，同埋好多雞肉啊！pizza底既薄又香又超鬆脆，各種配料嘅多重口感簡直天衣無縫，太好味喇，食到停唔到口！8塊pizza兩個人食，其實都飽飽哋，不過仲有雞未嚟啊！加油！
Cheese pizza
$118
16 瀏覽
0 讚好
0 留言
Chicken pizza
$118
25 瀏覽
0 讚好
0 留言
Chicken pizza
$118
31 瀏覽
0 讚好
0 留言
超期待嘅韓國走地雞出場喇，總共有15件雞，咁多？！原來係原隻雞嚟㗎，$178有原隻來自韓國嘅雞？未食已經覺得抵晒！即刻放低手上嘅pizza食雞啦梗係！烤得極香嘅雞，再淋上杰杰哋嘅蒜蓉汁，甜甜哋好開胃啊(忘記咗自己已經食咗兩件pizza...)！同平時嗰啲炸雞相比，烤雞唔會咁油膩，感覺上都健康啲！同平時食開嘅雞唔同，呢隻雞嘅皮下脂肪極少，同佢哋成日走地有關，韓國真係連雞都fit過人！大雄鍾意食雞胸，我鍾意食雞髀，啱啦唔洗爭！一切開雞肉係軟腍唔韌㗎，就算係雞胸都唔會覺得肉質好鞋，係好juicy... 大雄食到停唔到口，我又食到冇停過手.... 用埋呢度特別為烤雞而訂製嘅鉗，咁就唔洗用手食啦，就咁用個鉗拉啲肉出嚟就得，非常細心體貼！唯一美中不足嘅係，對於我呢個蒜魔嚟講，平時喺韓國我都覺得啲食物唔夠多蒜頭，所以呢道蒜雞就真係少蒜蓉囉！不過大雄話其實都OK，店員都話，為咗迎合香港顧客，佢哋專登落少啲蒜，驚佢哋頂唔順喎，如果各位好似我咁係蒜魔嘅，就喺落單嘅時候講明要多多多蒜啦，佢哋會盡量滿足大家
Garlic chicken
$178
13 瀏覽
0 讚好
0 留言
Garlic chicken
$178
11 瀏覽
0 讚好
0 留言
Garlic chicken
$178
15 瀏覽
0 讚好
0 留言
Garlic chicken
$178
8 瀏覽
0 讚好
0 留言
Garlic chicken
$178
17 瀏覽
0 讚好
0 留言
Garlic chicken
$178
20 瀏覽
0 讚好
0 留言
Garlic chicken
$178
19 瀏覽
0 讚好
0 留言
Garlic chicken
$178
8 瀏覽
0 讚好
0 留言
Garlic chicken
$178
15 瀏覽
0 讚好
0 留言
唔飲酒嘅我，見到有冇酒精版嘅sangria，一地要試吓啦！언니好奇地問，我哋飲得晒嗎？呢個份量係4人用㗎喎！冇問題，實在好想試，所以照叫！呢揸Sangria由언니老闆娘親自調製(冇錯，佢真係老闆娘)，材料有橙、蘋果、士多啤梨及奇異果，所有生果都連皮，所以果味會更濃。飲第一口之後感覺似食緊小熊啫喱糖，因為士多啤梨味非常突出，相信女仔一定會好鍾意，因為生果夠多非常鮮甜，會越飲越開胃。最後我將入面所有生果都食哂，因為啲生果實在太新鮮，唔食會好浪費！
Non-alcohol Sangria
$108
9 瀏覽
0 讚好
0 留言
Non-alcohol Sangria
$108
12 瀏覽
0 讚好
0 留言
賣相好refreshing，有檸檬、青檸及薄荷葉。平時燒酒味道好搶，都係撈啤酒多，呢個有新意！第一啖飲落去係有好重嘅芒果味，之後燒酒味先會出場，吞落喉嚨後慢慢就會有燒酒暖暖嘅感覺，呢個飲品做得好出色，因為兩種味道都各自有發圍機會，唔會一種味道蓋過另一種
Mango soju
$88
26 瀏覽
0 讚好
0 留言
每位店員都好有禮貌，非常熟悉每道菜，可以解答到晒我哋嘅疑問，仲會走嚟問吓我哋意見如何，感覺親切而且專業
由韓國人開嘅韓國餐廳，用韓國進口嘅材料，食物新鮮好味，環境乾淨舒適，價錢合理..... Ok大雄你贏咗，今餐我請得心服口服，唔止滿意，呢度簡直會成為我嘅韓國餐飯堂！
如果有埋石頭飯嗰啲...... 咁就更加好啦...
張貼
