影片
更多
2018-10-15
282 瀏覽
朗豪坊嘆完套戲好肚餓了，急急走去打個冷先，查看地圖就係左近真好 ﹗砵蘭街 180 商場？行秘道一樣，後門上到 3 樓。穿過貨倉、雜物房，終於走到大廳喇 ﹗回想一路行上黎既環境都熟口熟面既？原來係新興大廈，跟養心殿係同一幢大廈同一層囉，以為去左什麼地方。地方寬敞密度低，空氣流通坐得舒服，比一般潮州冷寧靜，可能因為只有幾檯食客，半滿都未有，不過眼見都 keep 住有客埋單又有新客幫襯呢。早左成個鐘到達，七點大量座位，不過沒有卡位選擇，圓檯都照坐。門口嬸嬸編我坐廁所門口，搞錯呀﹗幸好老闆哥哥肯再安排到另邊廂魚缸附近，感覺舒服很多呢﹗喜歡坐近廚房近魚缸那邊，感覺較少食客較清靜較舒適。肥哥哥侍應熱情款待，招乎周到，不得不讚一下，食得等別開心愉快。嬸嬸們同樣服務有禮，值得加許。青島啤酒，沒有我愛的日本啤麒麟，國際品牌青島也不錯。睇戲得汽水唔多想飲呢，完場行到黎好頸渴咯 ﹗拿拿聲飲兩杯青島涼快一下先，爽呀﹗有兩位嘉士伯靚女promoter，但我地唔飲嘉士伯呢。菜甫花生，不喜歡的前菜，都比面咬兩下啦。辣椒油，不香又不辣，當添點顏色罷了。潮式秘製螄蚶，竟然有生醃螄蚶，梗係即刻食啦﹗高速送到，急不及待品嚐
地方寬敞密度低，空氣流通坐得舒服，比一般潮州冷寧靜，可能因為只有幾檯食客，半滿都未有，不過眼見都 keep 住有客埋單又有新客幫襯呢。
早左成個鐘到達，七點大量座位，不過沒有卡位選擇，圓檯都照坐。門口嬸嬸編我坐廁所門口，搞錯呀﹗幸好老闆哥哥肯再安排到另邊廂魚缸附近，感覺舒服很多呢﹗喜歡坐近廚房近魚缸那邊，感覺較少食客較清靜較舒適。肥哥哥侍應熱情款待，招乎周到，不得不讚一下，食得等別開心愉快。嬸嬸們同樣服務有禮，值得加許。
青島啤酒，沒有我愛的日本啤麒麟，國際品牌青島也不錯。睇戲得汽水唔多想飲呢，完場行到黎好頸渴咯 ﹗拿拿聲飲兩杯青島涼快一下先，爽呀﹗有兩位嘉士伯靚女promoter，但我地唔飲嘉士伯呢。菜甫花生，不喜歡的前菜，都比面咬兩下啦。辣椒油，不香又不辣，當添點顏色罷了。
潮式秘製螄蚶，竟然有生醃螄蚶，梗係即刻食啦﹗高速送到，急不及待品嚐。另外仲有生醃蟹、凍龍蝦、滷水鵝肝，下次一定試。何解會有個鐵拑既，點用架？我一於懶理，依舊用兩隻手指擘開，一啜一扯，蚶肉已捲在舌頭之中，快靚正。
爽脆滑溜的質地，但完全唔見有鮮紅血液滴出，要有血先會夠真夠血腥夠鮮甜架麻。酒味超濃呀，幸好不澀不苦，陣陣酒香散發各種香料味道。整碟被我一個人消滅，有點醉啊 ﹗
方魚肉碎蝦仔粥走芫茜蔥，有米粥都幾多飯粒喎，一啖倒入方魚肉碎蠔仔連湯連飯粒，方魚仍然好硬淨，肉碎鬆軟帶肉甜。蠔仔鮮味突出，如再肥美一點就更開心啦。湯汁味道濃濃略咸，粥底黏黏稠稠，我較喜歡清爽的感覺，幸好味道蠻不錯。
滷水併盤，併盤豐富得很呢，嚇得朕口都震。大腸、腩肉、墨魚、紅腸、鵝腸、豬耳，用爽甜多水大豆芽捲住一齊食格外可口美味不同凡響 ﹗彈彈大腸、鬆化腩肉、嚥韌畦魚、香甜紅腸、爽脆鵝腸、膠脆豬耳，滾上濃味醇厚滷水汁，配上多水大豆芽沖淡一下，比鵝片更好食囉。四眼哥哥侍應突然送上，我地臉上即時出現大大的問號？無點依道菜喎。原來食滿 $300 蚊就免費送，還以為餸菜遲到所以專登送碟滷味氹我地添，諗多左咯。
滷水鵝肝，一隻滷鵝肝兩舊水，我係紅磡生記兩舊水食到十隻鵝肝喇。厚薄剛剛好，外結實內鬆軟，滷得恰到好處。不會過熟變得乾硬鞋，不會滷過火使得味道混濁過咸，食得到鵝肝的油潤，油脂的甘香，散發陣陣滷水味，烹調煮理十分出色。烚花生充滿清香滷水味半濕半脆好好食啊﹗我本人不愛食花生，但烚花生就特別喜歡呢！花生及鵝肝同樣是助酒良伴，下酒佳品。
滷水鵝片配大豆芽底，鵝片賣相骨子齊齊整整夠吸引誘惑，質地略鞋偏硬有點失望，滷水濃濃少少咸少少濁，不芳香不清新，單調麻麻地，淋上酸醋或辣椒油同吃，好好多啦。因為我地唔想食豆腐，會好飽架呢，四眼哥哥侍應幫忙轉大豆芽，真好啊！一定要讚讚。
滷水鵝片配豆腐底，何解這碟滷水鵝片又拒絕將豆腐底轉大豆芽？何解依位師傅不願意呀？無所謂，唔轉咪唔轉囉，非常浪費﹗我地兩個都唔食豆腐囉。
豉椒炒蜆，最怕出街食炒蜆，因為好多食肆貪快貪方便，經常汆定水、煮定、炒定，搞到蜆肉無晒味，又鞋又韌似橡膠，真的討厭非常。幸運地明記有驚喜喎﹗生炒即煮那有不好食的理由，肥美脹卜卜彈滑鮮甜，豉椒芡夠濃郁惹味，好好食﹗如果加點辣椒就更醒胃，比我多一點鑊氣就更加完美啦。
辣酒煮花螺，姍姍來遲，還以為漏單。吱吱喳喳噴住白煙上檯，氣氛十足惹來幾檯羡慕目光。濃烈的酒香隔空都聞得到，立即執粒行動，熱的燙手呀！要小心亦亦只用手指黏住將肉挑出，螺肉嚥韌軟棉，酒味香醇非凡，辣味香料味突出惹味，我想要個烏冬撈汁呢，香辣無比好好味呀 ﹗
石鍋啫通菜，四眼哥哥侍應又話跟椒絲腐乳炒通菜一樣既？您係咪誤會左我地意思呀？依個好明顯係銀魚仔肉碎通菜喎。好采通菜都夠鮮嫩清甜，係焗到腍左少少，唔夠爽翠啫。石鍋鎮住熱騰騰大注大注入口，味道充滿咸香肉香，都好味道呀。趁熱食，放涼變得過咸咯。
椒鹽斑馬瀨尿蝦，侍應哥哥推介椒鹽瀨尿蝦做緊特價好抵食，試試好嗎？誠意可加就信您啦，試兩隻。原來係斑馬瀨尿蝦，不是瀨尿蝦皇喎，我對斑馬一般，因為蝦皇好食百倍。耐心地將所有殼褪去露出啖啖肉才，一氣呵成地品嚐。軟棉的肉質，蘊藏澎湃甜美蝦肉，入味濕潤鬆軟，還散發微微椒鹽香，好味道呀，只係肉質偏削。
明記小炒皇，想食菜又想食炒野，就食您啦！韮菜部份爽甜鮮嫩，部份結實粗糙，連嚥韌咸香蝦乾掃入口，正常不過不失，只兩樣食材真的太單調喎。
客家黃酒雞，估您唔到係明火，非常好，辛苦晒﹗滾開就飲得喇，殺呀﹗黏黏厚厚的雞湯底，超足料無欺場，真材實料啖啖滋味。濃濃酒香帶著甜甜餘韻，薑味突出得宜，熱辣辣噴噴可口飲不停，超暖胃驅寒非常暢快淋漓。雞件作為湯渣就變得乾鞋嚕，咬下無妨。
生醃大膏蟹，眼測有成斤重喎，索價 $600 蚊合理。誘惑的深橙色蟹膏，耀眼奪目閃令令，爆膏到無朋友，立即行動﹗滿載蟹膏的蟹蓋盛盒，挖出黃膏橙膏一齊啦，鮮甜清香不腥不嗅，新鮮度爆燈不容置疑。一羮一羮的蟹膏塞入口，實在太奢侈太過份喇﹗
每一件都黏著厚厚甘香無比的蟹膏，大大力吸啜連膏帶肉盡在嘴仔中。無醃的生蟹肉，只是輕輕淋個淡淡醬油汁，食其膏蟹原汁原味，只有簡單的調味。肉味淡而鮮味非凡，爽彈的蟹肉，蟹膏就最讚﹗整體可以，最敝唔夠冰凍。我淺嚐幾口已很滿足，留給最愛的蟹膏！
元朗楊氏烏頭，期待會有爆黃油烏頭能跟大園生昌爭一日之長短，大家又睇睇依條姓楊烏頭又如何質素呢。呎吋大大條啖啖肉，揭起魚皮見不到什麼黃油，亦見到不什麼油潤閃光，幸好還感受到魚汁濕潤。用力一夾整舊魚肉可以起出，似乎焗得太熟有點過火，大大舊入口與舌頭溝通一下，結實的肉質並未感到嫩滑多汁。魚味濃濃並未感到黃油甘香，白色半透明油潤魚膏咸味濃烈有點吃不消，搭上魚肉入口較舒服，平凡普通的鹽焗烏頭。
蒜蓉粉絲蒸扇貝，沒有貴妃蚌，肥哥哥推介特價扇貝平 $10 隻啊，最緊要好食，無所謂的。熱熱的送上，溫度剛好燙嘴係最美味既時候。當然要一啖過，全家齊齊掃入口。蒜蓉辛甜，醬油粉絲可口，扇貝肉棉滑鮮味，裙邊爽脆，各有特色互相呼應，併湊在一齊變得格外美味。
薑蔥美國桶蠔煲，桶蠔大小剛剛好，最正就係依個呎碼，太大無味又起渣唔好食架。撲粉炸過的桶蠔裙邊微脆，蠔肚乾爽實淨飽滿，儲存著美味蠔汁，清淡的薑蔥味道不太突出，香口的桶蠔，還算合格。
青島啤酒
18 瀏覽
0 讚好
0 留言
青島啤酒
23 瀏覽
0 讚好
0 留言
朝日啤酒
13 瀏覽
0 讚好
0 留言
菜甫花生
17 瀏覽
0 讚好
0 留言
潮式秘製螄蚶
38 瀏覽
0 讚好
0 留言
潮式秘製螄蚶
23 瀏覽
0 讚好
0 留言
方魚肉碎蝦仔粥走芫茜蔥
24 瀏覽
0 讚好
0 留言
滷水併盤：大腸、腩肉、墨魚、紅腸、鵝腸、豬耳、大豆芽
28 瀏覽
0 讚好
0 留言
滷水併盤：大腸、腩肉、墨魚、紅腸、鵝腸、豬耳、大豆芽
27 瀏覽
0 讚好
0 留言
滷水鵝肝
$200
46 瀏覽
0 讚好
0 留言
滷水鵝片配大豆芽底
17 瀏覽
0 讚好
0 留言
滷水鵝片配豆腐底
29 瀏覽
0 讚好
0 留言
豉椒炒蜆
11 瀏覽
0 讚好
0 留言
豉椒炒蜆
20 瀏覽
0 讚好
0 留言
辣酒煮花螺
16 瀏覽
0 讚好
0 留言
石鍋啫通菜
19 瀏覽
0 讚好
0 留言
椒鹽斑馬瀨尿蝦
50 瀏覽
0 讚好
0 留言
椒鹽斑馬瀨尿蝦
70 瀏覽
0 讚好
0 留言
明記小炒皇
45 瀏覽
0 讚好
0 留言
客家黃酒雞
34 瀏覽
1 讚好
0 留言
客家黃酒雞
58 瀏覽
0 讚好
0 留言
生醃大膏蟹
$600
39 瀏覽
0 讚好
0 留言
生醃大膏蟹
$600
28 瀏覽
0 讚好
0 留言
元朗楊氏烏頭
50 瀏覽
0 讚好
0 留言
蒜蓉粉絲蒸扇貝
42 瀏覽
0 讚好
0 留言
薑蔥美國桶蠔煲
66 瀏覽
0 讚好
0 留言
張貼
