峇里堂

成日都食一樣嘅嘢有啲悶，朋友今日就帶咗我嚟峇里堂，聽講係一間有咗四十幾年歷史嘅印尼菜餐廳，而家重新裝修開業去咗尖沙咀，地點方便易搵😊七點多來到，幾乎全場爆滿，得返兩張二人枱，好好彩唔使等位即刻有得入座。坐低後，店員送上餐牌同qr code，可以自行落單。落完單就乖乖等食，朋友先去自助水機斟定兩杯水，邊傾計邊等上菜啦。⭐峇里堂招牌巴東牛肉幾乎每台都點嘅巴東牛肉我哋都點咗一份，選了加辣口味，甜甜辣辣嘅醬汁中包裹著炆得軟腍的牛肉，牛肉大大件但很入味，加埋醬汁拌飯一流🤤⭐印尼惹味炒沙爹豬肉配米餅另一款就叫咗沙嗲豬肉，同樣選了加辣，沙爹醬充滿花生香，鹹鹹甜甜加埋辣醬很惹味，豬肉條算不上嫩滑，但口感不錯，送飯也是一流的😋⭐金貝飯好睇又好味的金貝飯，飯粒粒飽滿，有香料味又有椰香，勁好食喎👍⭐珍珠香米朋友就揀左白飯，因為要撈汁，佢話原味嘅飯會啱啲喎。這個白飯也是有飯香的，但口感略微軟身黏口，個人比較喜歡金貝飯的口感。自助落單免加一，埋單區仲有小食免費添呀🥰