影片
更多
2019-04-27
144 瀏覽
見最近有人介紹，我又住得近就去食下，都見到唔少人排隊，排左15-20分鐘左右。呢間野主打賣點有二:1.由日本師傅主理2.有得每人加30蚊配料/小食放題，包括蛋，竹筍，叉燒，餃子，加底etc得罪講句，日本師傅就一定識整拉麵咩，又唔見香港個個識炒牛河整燒鵝?所以我覺得完全唔係賣點，而30蚊放題又真係抵到爛，但係會唔會犧牲到質素呢?難食嘅話放題咪啫係整蠱自己? 所以小弟冇叫放題。我叫左濃厚魚介拉麵，加蛋，同埋煎餃以下將會逐樣配料由最好到最差評價湯底: 湯底清甜，整體幾好，但係佢背叛左濃厚魚介呢個名:既不濃厚，亦不魚介，只有聞落有淡淡魚介味，一飲落口就完全消失。但如果佢改名做甜豉油湯底其實唔差麵: 都算有咬口，不過不失煎餃: 普通煎餃，唔差蛋: 由於我追加左蛋所以有一隻半蛋，半隻嘅蛋都算幾好，但全隻嘅蛋明顯過熟竹荀: 好冧呀，入口即溶係竹荀界係一個貶義詞叉燒: 唔掂，係一塊街市買嘅薄切豬腩肉，浸下豉油再燒一燒就上。肥瘦分明(唔係好事)，肥肉佔50%以上，難以咬開。鳴門卷: 一放入口大開眼界，係真係瞪大左對眼。係粉啊。我放呢粒鳴門卷入口嘅一剎，Thanos撻左一下手指，粒鳴門卷就化成左灰。平時唔
呢間野主打賣點有二:
1.由日本師傅主理
2.有得每人加30蚊配料/小食放題，包括蛋，竹筍，叉燒，餃子，加底etc
得罪講句，日本師傅就一定識整拉麵咩，又唔見香港個個識炒牛河整燒鵝?所以我覺得完全唔係賣點，而30蚊放題又真係抵到爛，但係會唔會犧牲到質素呢?難食嘅話放題咪啫係整蠱自己? 所以小弟冇叫放題。
我叫左濃厚魚介拉麵，加蛋，同埋煎餃
以下將會逐樣配料由最好到最差評價
湯底: 湯底清甜，整體幾好，但係佢背叛左濃厚魚介呢個名:既不濃厚，亦不魚介，只有聞落有淡淡魚介味，一飲落口就完全消失。但如果佢改名做甜豉油湯底其實唔差
麵: 都算有咬口，不過不失
煎餃: 普通煎餃，唔差
蛋: 由於我追加左蛋所以有一隻半蛋，半隻嘅蛋都算幾好，但全隻嘅蛋明顯過熟
竹荀: 好冧呀，入口即溶係竹荀界係一個貶義詞
叉燒: 唔掂，係一塊街市買嘅薄切豬腩肉，浸下豉油再燒一燒就上。肥瘦分明(唔係好事)，肥肉佔50%以上，難以咬開。
鳴門卷: 一放入口大開眼界，係真係瞪大左對眼。係粉啊。我放呢粒鳴門卷入口嘅一剎，Thanos撻左一下手指，粒鳴門卷就化成左灰。平時唔起眼嘅鳴門卷竟然成為左我對呢餐最深印象嘅野。我當下彷彿腦內有走馬燈，提醒我合味道入面粒迷你鳴門卷，其實都唔錯，但係我唔識珍惜…
正如標題所寫，當頹飯食其實可以，100蚊上下放題理論上可以食到你嘔，但如果你有少少要求就真係不了。
ps因為有放題關係職員係幾忙，仲有落錯單，但態度好好而且都有即刻改返，呢度加分。
濃厚魚介拉麵
30 瀏覽
0 讚好
0 留言
張貼
