Tapas Brew (Mikiki)

營業中

休息中

自從無得去旅行既日我每個星期都會揾唔同既特色餐廳以解旅遊既思念。而今個星期既目標就係西班牙菜。羅馬生菜包牛小扒牛小扒烤成medium，入口仲帶牛肉既細嫩而且嚼勁。肉質唔會過柴又帶淡淡牛香，牛脂分佈均勻。加上少少辣醬及充滿水份既羅馬生菜令肥膩感減輕同更fresh。西班牙辣肉腸炒蛋配脆馬鈴薯絲幼細既薯絲炸得香脆簿身同時又帶點薯香，相比薯條無咁油膩。配上香濃嫩滑既炒蛋及鹹鹹香香既腸肉腸整個感覺都幾match而且新鮮。西班牙海鮮飯一鍋到底又帶出濃烈地道色彩既美食。雖然疫情下無得去旅行到當地試菜，好彩香港滿盡各地既美食，就算去唔到旅行都食到同樣既風味。西班牙飯內既每粒米都被鮮濃既湯汁包圍著，每一口都係鮮味，令人食極都唔停口。海鮮飯係口腔內瀰漫濃濃海洋氣息，令人感到意外及充滿驚喜。