影片
更多
2024-01-25
40 瀏覽
{瘋狂打卡韓國路邊攤美食 - $600}之前喺大角咀做嘢行過幾次，呢間好有韓國路邊攤氣氛嘅餐廳，喺外面望入去真係超級有韓國嘅風！點知原來每次行過都係坐滿晒人冇位！本麻甩本着唔放棄嘅精神，今日5:30pm 佢啱啱開門就即刻行入去，終於可以食到正嘢！♦️ 醬油蟹膏蟹肉拌飯上網睇話呢個係必點，啖啖醬油蟹膏蟹肉，超級香濃，加埋紫菜同埋新鮮嘅雞蛋整出嚟嘅拌飯，真係一啖一口極速食晒落肚！♦️ 鐵板燒濟州黑毛豬配生菜對於肉食大王嚟講，黑毛豬腩肉呢五隻字喺餐牌出現就已經唔使講即刻叫！上碟嘅時候仲未係全熟，望住小小嘅烤爐，大大嘅火力，將豬腩肉啲豬油必晒出嚟再炸返自己！感覺真係好治瘉，配埋生菜同埋韓式前菜一齊食超好味！♦️ 韓式鐵板燒鰻魚壓軸出場又係一個必點嘅美食，燒鰻魚！呢個上碟時比黑毛豬勁生，再次可以望住小小嘅烤爐發揮佢嘅威力，餐廳用咗好新鮮嘅鱔！佢嘅油脂將被烤到脆卜卜，忍唔住一煮熟就夾入口，果然不出我所料鰻魚嘅肉質彈牙到不堪設想！呢個燒鰻魚，原價係$198 ，原來book位仲有優惠，只需要$98咋，逢星期一至五晚市，星期六日就全日供應，唔怪得咁鬼多人book位！簡單叫咗幾樣嘢，全部都幾
之前喺大角咀做嘢行過幾次，呢間好有韓國路邊攤氣氛嘅餐廳，喺外面望入去真係超級有韓國嘅風！點知原來每次行過都係坐滿晒人冇位！本麻甩本着唔放棄嘅精神，今日5:30pm 佢啱啱開門就即刻行入去，終於可以食到正嘢！
♦️ 醬油蟹膏蟹肉拌飯
上網睇話呢個係必點，啖啖醬油蟹膏蟹肉，超級香濃，加埋紫菜同埋新鮮嘅雞蛋整出嚟嘅拌飯，真係一啖一口極速食晒落肚！
♦️ 鐵板燒濟州黑毛豬配生菜
對於肉食大王嚟講，黑毛豬腩肉呢五隻字喺餐牌出現就已經唔使講即刻叫！上碟嘅時候仲未係全熟，望住小小嘅烤爐，大大嘅火力，將豬腩肉啲豬油必晒出嚟再炸返自己！感覺真係好治瘉，配埋生菜同埋韓式前菜一齊食超好味！
♦️ 韓式鐵板燒鰻魚
壓軸出場又係一個必點嘅美食，燒鰻魚！呢個上碟時比黑毛豬勁生，再次可以望住小小嘅烤爐發揮佢嘅威力，餐廳用咗好新鮮嘅鱔！佢嘅油脂將被烤到脆卜卜，忍唔住一煮熟就夾入口，果然不出我所料鰻魚嘅肉質彈牙到不堪設想！
呢個燒鰻魚，原價係$198 ，原來book位仲有優惠，只需要$98咋，逢星期一至五晚市，星期六日就全日供應，唔怪得咁鬼多人book位！
簡單叫咗幾樣嘢，全部都幾正，老闆話我知原來一月份月Book 位仲可以以優惠價$198食到原價$298嘅醬油蟹拼盤🦀！但係留意，佢係一至四全日供應，五六日只限七點前，公眾假期沒有優惠架，所以我即時book位月尾再嚟過！
美味程度：😋😋😋😋
環境指數：🎇🎇🎇🎇
番食機會：🦍🦍🦍🦍
📍 #新沙洞大排檔 (大政街) (大角咀)
大角咀大政街10號地舖
張貼
