八一蕃巴蜀烤魚店 (砵蘭街) (已結業)

食烤魚可能大家都係講得出好好好好出名個一兩間, 但係排隊排到想死, 有時真係唔係好想排, 好彩冒住周圍食既精神, 終於搵到另一間烤魚都係幾有質素既, 就係呢間八一蕃!呢度除左食烤魚仲有雞煲, 仲有串燒叫添!雖然得兩個人, 但我又想食魚又想食雞, 一於兩個叫哂! 不過之前就叫左D串燒同小食先。一個係夫妻肺片, 少少辣, 但好足料, 開下胃幾好! 串燒就叫白鱔及火雞腎, 白鱔好軟, 火雞腎就差少少, 不過唔係太差既。話咁快叫左既烤魚就到啦~~~呢個係巴蜀烤魽魚香辣味, 雖然係全魚, 但係唔係太大條, 而且呢個無咁多骨, 岩哂我地呢D又要食又唔要骨既人, 哈哈。辣度揀左小辣, 但我地都覺得係可以再辣D, 辣D應該會更好味! 條魚本身就好軟身好滑, 食落唔會腥, 係正既!跟住就到雞煲啦! 我地點既係唔辣, 不過食雞煲果然係要食麻辣先夠過癮, 佢本身D香料係好香, 但點左唔辣總係覺得差左D野咁, 但D雞係幾好食!瘋狂的又食烤魚又食雞煲, 一次滿足左兩個願望, 正!