癡膠雞 (軒尼詩道)

營業中

休息中

今日經過灣仔軒尼詩道順道係度食埋飯，簡單黎左呢間癡膠雞，個名好搞鬼。餐牌有飯類，麵類，酸辣粉，招牌花膠雞系列，癡膠線系列，下午茶，火鍋及主食，小食同飲品。用手機落單。藥膳黃酒花膠雞米線 $68藥膳黃酒花膠雞米線用成個鐵爐滾住上枱，包熱，出嗮煙，冬天食最啱，邊食邊滾。一上枱就聞到好香藥材味。原來有幾細片川芎，好香，個湯好清又鹹香十足，好好飲。花膠有兩片，唔會太薄，質感好好。黃油雞係雞脾，一切6件，皮滑溜又有彈性，雞有雞味，正野。其他配料有紅棗，雲耳，蟲草花同蔥花。米線係白色幼身，好滑溜。份量唔少。椰子雞米線 $60椰子雞米線個湯就唔同，呈奶白色，飲落濃濃椰子香味，入面有兩三片鮮椰子，其他材料基本上同藥膳黃酒花膠雞米線一樣，只係無花膠。呢個湯都好有特色。入面有卡位，裝修都光猛，地方乾淨，冷氣好勁。非常養生健康既一餐。