古早牛肉麵 (已結業)

是日不宜外出, 因為天氣炎熱成34度。 可惜受人所委派必須在深水埗福榮街入貨, 天不助我也。 好在發現台式小店, 馬上入黎消暑降火主要任務是飲凍飲同涼冷氣, 店鋪提供30款飲品俾你揀個夠。 唔夠? 再俾你任揀 甜度同冰度, 正合我心意 我不客氣咁提出我既要求珍珠奶綠此奶茶不用紅茶開而選用綠茶, 會減去澀既味道, 每飲品更鮮更清香. 我揀左微糖正常冰, 飲品完全符合我要求涼拌小黃瓜黃瓜即是青瓜, 香港和台灣叫法唔同。 餐廳選用細支有尖端既青瓜, 較大支既青瓜更爽口清甜。 一夾落口食到青瓜溫度夠涼, 肯定比普通冰箱更凍, 而溫度控制得宜。 拌芝麻油, 鹽, 糖, 加上手拍效果, 令青瓜十分脆, 清甜, 炎熱夏口食一口小黃瓜, 幾多都食得落, 呢個小食十分值得一試。皮蛋豆腐豆腐上層配有漬紅蘿蔔乾, 木魚碎,和皮蛋, 加上醬油。 外面一般做法係用肉鬆, 呢度同木魚碎原來更好味, 食落木魚唔會好似肉鬆咁跌出黎, 有驚喜。 豆腐十分滑, 是百福豆腐呀。 醬油用了濃醬油, 成個小食配搭得好match, 平凡小菜做出特色鮮蝦紅油抄手一般紅油抄手都用豬肉做材料, 呢個有鮮蝦, 食得出真係幾新鮮, 彈牙。