La Pearl (已結業)

經朋友介紹下，推薦天后一間新開既意大利餐，竟然既白松露食，一於去試一試。大家都知白松露身價高昂，氛香撲鼻，但要懂得如何發揮，實在考功夫。星期六準時8點到達，餐廳裝修優雅，白色牆身加上水晶吊燈，一個細細的open kitchen ,空間感大增。由於早已預訂松露套餐，經理解說一下，已經急不及待了！睇下個menu,真係有8個course,仲要先奉上一杯Krug! 吾係睇住佢開睇住佢斟都吾能夠相信，Krug 都送？太誇張了吧8道菜中，第一道菜red prawn cappacio, 幾特別，而且係個大廚親自刨，刨好多，仲要刨果陣好香，果種香吾係筆墨所形容。到第三道菜，有白露荀，吾錯吾錯，跟海膽同caviar,賣相一流。到個湯，用上意大利雞蛋，再加白松露既白豆湯，雖然加隻慢煮蛋，好漏，但真係停吾到口。到第五道，用上最傳統既牛油汁白松露pasta, 越簡單，越能將白松露發揮得淋漓盡致，真係好好食！主菜用上了燴和牛short rib,可能太飽，食少少已經食吾落。最後以白松露mousse cake作終結，真係十級完美。估吾到天后既小店都有甘既水準，下次必定再返黎試下其他野。