影片
更多
2021-08-09
353 瀏覽
行過見多人，又係米線，諗住試下。舖好大，完全無人理會你，自己搵位坐，枱面食具污糟，都算，親手交單俾阿姐，落單後等咗15分鐘，聽到追單聲此起彼落，都有啲伏味，覺得唔對路，問阿姐會唔會漏單。阿姐（理直氣壯）：「當然有落單，我幫你落㗎嘛！嗱，你睇！」我：「但…完全唔係我嗌嘅嘢喎！」阿姐：「吓，你坐邊？」我：「我坐呢度囉！」阿姐（再㩒另一枱號）：「呢張先係！」我：「都唔係喎，我唔係叫呢啲喎！」阿姐：「咁….你等等先！」去咗派十杯凍檸茶，返嚟都係搵唔到張單，比鬼古我更得人驚。由於我lunch time已完結，只可以離開，咩都無食到。希望大家知呢間嘢咩料，唔好好似我咁，一心期待入，一肚子氣走！
阿姐（理直氣壯）：「當然有落單，我幫你落㗎嘛！嗱，你睇！」
我：「但…完全唔係我嗌嘅嘢喎！」
阿姐：「吓，你坐邊？」
我：「我坐呢度囉！」
阿姐（再㩒另一枱號）：「呢張先係！」
我：「都唔係喎，我唔係叫呢啲喎！」
阿姐：「咁….你等等先！」去咗派十杯凍檸茶，返嚟都係搵唔到張單，比鬼古我更得人驚。
由於我lunch time已完結，只可以離開，咩都無食到。希望大家知呢間嘢咩料，唔好好似我咁，一心期待入，一肚子氣走！
張貼