影片
更多
2018-11-07
1010 瀏覽
又食越南野，仲要係一星期食咗兩次，都仲係食唔厭😗香茅豬扒飯 加蛋香茅味幾香得黎又唔會太搶味，即使係平時嫌香茅味會太濃既朋友都可以try try 不過豬扒有點乾身，可能會有少少韌，好彩都斬得細細件，唔需要夾硬齒都食到～如果嫌一餸飯太單調，可以咁加隻蛋，仲要咁啱係我地最愛既太陽蛋，隻蛋煎得啱啱好，唔會過熟，蛋黃仲係半流心，可以撈埋落飯度，加分！燒豬頸內撈檬個檬粉就同平時食開既冇咩分別，冇咩特別既地方。至於個豬頸肉係燒既效果，反而似乾炒，不過佢切得比較幼身，相對平時出街食到既較細件，但又冇平時食到既咁薄身，打返個和～算係不過不失啦另外我地都叫左兩款小食開心share炸春卷 + 炸蝦餅先講個炸春卷，都炸得幾乾身，唔會話食到好油淋淋既感覺，炸得唔錯！可惜略嫌餡料少咗啲，同埋入面既餡唔多夠味，重口味朋友就可能唔多啱喇～炸蝦餅就真係值得一讚，頭先都講過佢地既炸物做得唔錯，所以個蝦餅完全冇油膩感，而且食得出入面既蝦餡係自家打的，超彈牙！仲要唔止得蝦蓉，直頭見到有幾隻小蝦肉係入面，呢個價錢黎講好抵食，絕對可以一試～牛油果奶昔牛油果奶昔唔算係極香濃牛油果味，所以唔食牛油果既朋友都唔會抗拒，而且夏天飲就最啱
香茅豬扒飯 加蛋
香茅味幾香得黎又唔會太搶味，即使係平時嫌香茅味會太濃既朋友都可以try try 不過豬扒有點乾身，可能會有少少韌，好彩都斬得細細件，唔需要夾硬齒都食到～
如果嫌一餸飯太單調，可以咁加隻蛋，仲要咁啱係我地最愛既太陽蛋，隻蛋煎得啱啱好，唔會過熟，蛋黃仲係半流心，可以撈埋落飯度，加分！
燒豬頸內撈檬
個檬粉就同平時食開既冇咩分別，冇咩特別既地方。至於個豬頸肉係燒既效果，反而似乾炒，不過佢切得比較幼身，相對平時出街食到既較細件，但又冇平時食到既咁薄身，打返個和～算係不過不失啦
另外我地都叫左兩款小食開心share
炸春卷 + 炸蝦餅
先講個炸春卷，都炸得幾乾身，唔會話食到好油淋淋既感覺，炸得唔錯！可惜略嫌餡料少咗啲，同埋入面既餡唔多夠味，重口味朋友就可能唔多啱喇～
炸蝦餅就真係值得一讚，頭先都講過佢地既炸物做得唔錯，所以個蝦餅完全冇油膩感，而且食得出入面既蝦餡係自家打的，超彈牙！仲要唔止得蝦蓉，直頭見到有幾隻小蝦肉係入面，呢個價錢黎講好抵食，絕對可以一試～
牛油果奶昔
牛油果奶昔唔算係極香濃牛油果味，所以唔食牛油果既朋友都唔會抗拒，而且夏天飲就最啱 消暑得黎又唔膩，但喜愛牛油果既朋友就可能覺得唔多夠喉～～
越式咖啡沙冰
秉承越南咖啡既口味，都係偏淡，唔屬太濃厚咖啡味既飲品。少甜、透心涼之選，完全適合我呢啲又想飲下咖啡，又怕咖啡陣苦澀味既朋友。
雖然呢間係以food court自助形式，但我又幾鍾意，拎完碗粉就坐埋一邊吹水開餐🥳
張貼
