影片
更多
2023-06-01
383 瀏覽
餐廳：亀井鮨 (銅鑼灣)地址：銅鑼灣告士打道280號世界貿易中心L3層L306號舖喺日本有136年嘅百年日本老店——亀井鮨，7間分店分別位於福島、佐賀、埼玉同東京，最近4月終於喺香港開咗第一間分店🎊銅鑼灣世界貿易中心商場自2019年底開始進行翻新工程，喺啱啱2022年尾開始全面開放，吸引咗唔少餐廳進駐，而其中一間就喺今日介紹嘅亀井鮨 @kameisushihk4月20號開始試業，由1/5號開始推出唔同嘅新開張優惠同折扣，依家仲做緊下午茶時段8折優惠🎉，吸引唔少人過嚟食Omakase/其他日本料理亀井鮨用咗唔同地方空運到港嘅刺身級食材，喺香港店仲首次用本地海鮮去烹飪日式料理🐟，加上有日本師傅坐鎮，除咗保留最原本嘅烹飪秘笈之餘，亦帶嚟一啲新嘗試同新元素晚市嚟食飯可以揀食Omakase或者日式料理A La Carte Menu，我就揀咗後者🤓。先叫咗個凍番茄($68)同凍豆腐($38)做前菜，番茄甘甜🍅，加咗胡麻醬喺當中；凍豆腐嘅面頭亦放滿木魚絲、薑蓉同蔥碎，加埋少少秘製醬油就夠晒味👍✝️海鮮沙律 $88極豐富嘅海鮮沙律🥗，有八爪魚🐙、三文魚、熟蝦、油甘魚同蟹籽，食材非常新鮮，比得上平時食到嘅
地址：銅鑼灣告士打道280號世界貿易中心L3層L306號舖
喺日本有136年嘅百年日本老店——亀井鮨，7間分店分別位於福島、佐賀、埼玉同東京，最近4月終於喺香港開咗第一間分店🎊
銅鑼灣世界貿易中心商場自2019年底開始進行翻新工程，喺啱啱2022年尾開始全面開放，吸引咗唔少餐廳進駐，而其中一間就喺今日介紹嘅亀井鮨 @kameisushihk
4月20號開始試業，由1/5號開始推出唔同嘅新開張優惠同折扣，依家仲做緊下午茶時段8折優惠🎉，吸引唔少人過嚟食Omakase/其他日本料理
亀井鮨用咗唔同地方空運到港嘅刺身級食材，喺香港店仲首次用本地海鮮去烹飪日式料理🐟，加上有日本師傅坐鎮，除咗保留最原本嘅烹飪秘笈之餘，亦帶嚟一啲新嘗試同新元素
晚市嚟食飯可以揀食Omakase或者日式料理A La Carte Menu，我就揀咗後者🤓。
先叫咗個凍番茄($68)同凍豆腐($38)做前菜，番茄甘甜🍅，加咗胡麻醬喺當中；
凍豆腐嘅面頭亦放滿木魚絲、薑蓉同蔥碎，加埋少少秘製醬油就夠晒味👍
✝️海鮮沙律 $88
極豐富嘅海鮮沙律🥗，有八爪魚🐙、三文魚、熟蝦、油甘魚同蟹籽，食材非常新鮮，比得上平時食到嘅刺身👏，份量仲要一啲都唔少，呢個價錢真喺抵到爛🤣，唯一喺覺得醬汁有少少多得濟
✝️蒲燒鰻魚 $108
鮮香嘅鰻魚雖則唔喺好厚肉，但燒烤程度啱啱好🔥，少少焦香加上適量嘅蒲燒醬汁所帶嚟嘅鹹香，
配合埋鰻魚本身嘅新鮮同爽嫩，總喺唔會令人失望😌，不過個人覺得定價就好似有少少高🤏
✝️極上壽司盛 $350
有12件嘅壽司，包括大鮪魚腩、油甘魚、深海池魚、鯛魚、左口魚邊、牡丹蝦、帆立貝、三文魚籽、日本海膽、穴子、玉子同鮪魚蓉卷🍣。
最有驚喜嘅莫過於日本海膽軍艦同大鮪魚腩，前者豐富飽滿，食落香醇無腥味，甘甜之中仲隱約食到啲海水味；
後者脂肪比例均勻，入口半即融而且唔會好油膩，相當易入口，啱晒鍾意食大拖羅但又唔鍾意油脂重嘅人😋
✝️鍋燒烏冬 $138
一上枱就有滿滿驚喜，勁大鍋烏冬，配上美國肥牛肉同一大隻蝦天婦羅🍤，牛肉嘅羶香滲透入湯底，令彈牙嘅鳥冬食起上嚟更入味。
鍋入面仲有溫泉蛋、金菇、豆卜等材料，唯一嘅喺如果蝦天婦羅可以另外碟上就會好啲，咁就唔會浸淋鬆脆嘅天婦羅脆皮😝
張貼
