壹茶 (已結業)

嚟到旺角中心想飲杯嘢，結果就嚟咗呢度。飲品種類都算唔錯，無論係傳統嘅珍珠奶茶，奶蓋茶等等，甚至乎近來嘅芝士茶都會有。由於平時飲得太多珍珠奶茶，今次想改改新意思飲水果茶，呢度嘅水果餐選擇都有幾種，有西柚，菠蘿，或者雜果嘅水果茶等等。最後我哋都揀咗杯百香果水果茶。等咗五分鐘就有得飲啦，百香果水果茶飲落都幾清新，份量都夠大大杯，兩個人share一杯都夠，唔會話太甜，而且底部有些少果肉，整體嚟講感覺唔錯嘅。