天與地龍門酒莊 (已結業)

星期六放一點,同女朋友諗住去食一餐好既,決定左去蘭桂芳一躺,四處搜尋美食,女朋友之前同友人去過附近既食晚飯,覺得不俗,所以就決定去食午飯...位於地庫既飯店同酒吧,一入去感覺唔錯,氣氛寧靜,或者當日少人既緣故,所以我地坐得都好舒適,而且侍應態度好好...當日午餐,我地揀左黑醋骨同沙瓜豬爽肉,有前菜,有宋嫂魚羹,同四寶茶,四寶茶份量十足,飲落清而甘甜,而且飲晒侍應會繼續同你沖,而宋嫂魚羹就普通,不過口感十足...前菜,係蔥,莞茜同煙鴨胸做既小卷,好好食,有開胃之感...黑醋骨酸甜,肉質唔算肥美,但送飯一流,至於豬爽肉非常爽口,但比較清淡,兩者都值得一試,之後再叫左紅油炒手,係我食過咁多間既紅油炒手最好食,因為好大粒,而且價錢唔貴($38),總共有六粒,汁料好特別,辣辣地而且有陣刺鼻既感覺...之後再嗌左青瓜白切肉,亦係用左黑醋去調製,青瓜的確好好味,同其他食家既意見一樣,至於白切肉亦都切得厚薄均稱,唔會過厚,只可惜無緣試到呢度既青瓜前菜...最後甜品叫左糖不甩,沾上花生糖水之後,都非常滋味,不過作為甜品稍為貴左少少($38)...最後埋單都唔需要$300,比起我預計既平左,所以呢一餐都食