皇后冰廳 (已結業)

小店餐廳就腳，向正長沙灣地鐵站上面大單邊，地點無得輸。店面裝修簡單，竟然有盞巨型吊燈，襯得起皇后！招牌係客家人豬什粉，好罕有，即刻落單！只可惜粉腸沽清，三餸米線套餐揀咗肺、心➕鯪魚球。心爽肺甜，毫無腥臊，鯪魚球一樣出色！期待下次能夠食到軟腍粉嫰的粉腸！另一碗叫咗魚角、雲吞同水餃。不得不提，佢嘅豉油醬料擺盤都好精緻，應該加分！另外見到其他食客多數會叫冰鎮墨魚頭，下次一定要試吓！