東海堂 (盛貿飯店)

營業中

休息中

話晒生日，點都要買返個蛋糕慶祝吓！ 雖然東海堂有啲行，但勝在就腳！ 同埋其實佢啲蛋糕以呢個價錢黎講，我覺得某啲都唔錯嫁，而且啲款都成日轉，又有期間限定個啲，都幾吸引。呢個皇室奶茶都算係近期幾吸引我既一款，因為我本身都鐘意飲奶茶呀嘛，哈哈！ 切開之後，見到佢其實有好多層。除左面層既奶茶慕絲之外，中間仲有奶茶啫哩，奶茶奶凍咁，而底層除左餅底，都仲有層奶茶蛋糕，都幾多層次。食落去佢唔係港式奶茶味，而係英式奶茶。會比較light啲，本身以為Mousse蛋糕會奶漏，但食落又唔覺，話咁快就KO左，都幾好味。