影片
更多
2023-03-18
878 瀏覽
最近周圍都見到有水門雞飯店， 開到成行成市， 一定有佢嘅原因， 今日拉埋honey去試 ，睇下佢有乜嘢過人之處 。🤓原來水門雞飯呢個名， 係出自泰國曼谷水門市場， 嗰度嘅海南雞非常出名受歡迎， 引入香港後都用返水門雞飯呢個名， 個招牌好醒目， 綠色嘅靚雞一隻。 今日兩點去到餐廳， 門口排曬長龍， 真係估唔到咁受歡迎， 一場嚟到都要排啦， 好彩唔使等好耐， 食好嘢梗係要有少少代價。👌 只要好味， 等耐啲都冇所謂。 餐廳用數碼點餐， 我哋慕名而來， 當然要食水門雞飯轉雞髀， 加十蚊。 雞飯好快送到， 啲雞肉係白色 ，有別於其他舖頭嘅黃色海南雞 ，皮薄肉嫩 ，一舊舊精瑩通透， 睇落去係好新鮮， 絕對引起人嘅食慾， 水門雞已經起曬骨 ，淨係有皮同肉， 原來啲雞皮都好好食， 好爽脆鮮嫩， 千祈唔好揼咗啲皮。 碟醬汁都係亮點， 泰式特製嘅醬汁， 鮮辣味極和諧， 點雞食真係一流。 碟飯仲有兩塊好新鮮爽脆嘅青瓜， 點啲泰式醬汁， 簡直精神一陣 ，非常美味， 油飯都好好味， 可惜今日啲飯有啲硬， 我食慣軟飯冇辦法。🤣🤣 我哋又叫咗碟肉碎芥蘭苗 ，青青綠綠， 溝埋啲肉碎食 ，健康滋味。 兩碟飯同埋菜好快食
5 瀏覽
0 讚好
0 留言
最近周圍都見到有水門雞飯店， 開到成行成市， 一定有佢嘅原因， 今日拉埋honey去試 ，睇下佢有乜嘢過人之處 。🤓原來水門雞飯呢個名， 係出自泰國曼谷水門市場， 嗰度嘅海南雞非常出名受歡迎， 引入香港後都用返水門雞飯呢個名， 個招牌好醒目， 綠色嘅靚雞一隻。
今日兩點去到餐廳， 門口排曬長龍， 真係估唔到咁受歡迎， 一場嚟到都要排啦， 好彩唔使等好耐， 食好嘢梗係要有少少代價。👌 只要好味， 等耐啲都冇所謂。 餐廳用數碼點餐， 我哋慕名而來， 當然要食水門雞飯轉雞髀， 加十蚊。
雞飯好快送到， 啲雞肉係白色 ，有別於其他舖頭嘅黃色海南雞 ，皮薄肉嫩 ，一舊舊精瑩通透， 睇落去係好新鮮， 絕對引起人嘅食慾， 水門雞已經起曬骨 ，淨係有皮同肉， 原來啲雞皮都好好食， 好爽脆鮮嫩， 千祈唔好揼咗啲皮
。 碟醬汁都係亮點， 泰式特製嘅醬汁， 鮮辣味極和諧， 點雞食真係一流。 碟飯仲有兩塊好新鮮爽脆嘅青瓜， 點啲泰式醬汁， 簡直精神一陣 ，非常美味， 油飯都好好味， 可惜今日啲飯有啲硬， 我食慣軟飯冇辦法。🤣🤣
我哋又叫咗碟肉碎芥蘭苗 ，青青綠綠， 溝埋啲肉碎食 ，健康滋味。 兩碟飯同埋菜好快食曬， 未夠喉， 好想試下其他嘢 ，於是又叫咗泰式奶茶咖啡， 再加一碟呢度嘅賣點， 班蘭大菜糕 ，見到隔離幾台都點， 當然唔好執輸。🤪
泰式奶茶有獨特嘅香味 ，顏色同其他餐廳都唔同 ，特別香特別滑，唔知有咩特別香料加咗入去， 咖啡就冇乜特別 。
甜品係最特別嘅 ，班蘭味嘅大菜糕，加啲好香好傑嘅椰奶，哇⊙∀⊙！非常好味， 食到停不了口 。😋😋第一次食啲咁好味嘅泰式甜品， 唔怪得見到枱枱都叫。 今日只係食咗200幾蚊， 真係又豐富又好味 ，莫齒難忘 ，下次來要試下其他菜式， 發掘多啲 香港美食。👍💪💪
張貼
