八方雲集鍋貼水餃專門店

營業中

休息中

老老實實，八方雲集並唔係咩嘢好好食嘅鍋貼，但比起隔離街果間乜乜大王真係好好多。八方除咗雲集唔同口味嘅鍋貼，亦雲集唔同口音嘅姐姐，媽，我好亂。今日揀咗招牌鍋貼&韮菜鍋貼：皮唔厚，餡料夠，味道都 OK。紫菜花枝丸湯，純粹貪佢有啲紫菜咋，啲湯好似。。。well。。。有無試過啲食物太油攞碗滾水過一過先食？嗯。。。就係似果碗滾水，無乜味，又油。紫菜預咗係普通貨。花枝丸就梗係唔及譚仔啲墨演好食。灣仔$38食晚餐，好難搵架啦，OK啦。