友口馥 (已結業)

去茶樓食蒸腸粉，唔係間間即叫即做，嚟呢間小店，保證係即整，仲睇到磨粉漿個石磨就喺廚房開緊工。呢度的蝦米皺皮腸，多蝦米，入口唔太硬，有蝦米香，合體的腸粉滑嫩，唔使落豉油食都夠味。醬料同芝麻全部係自助添加，甜豉油用子彈壺載住，唔通擔心豉油凍咗，影響整體食物味道？皺皮腸粉以外，菜乾粥料多夠綿，鹹度剛好，食完唔口渴，有驚喜。可惜的係，全店使用塑膠餐具，想減膠要自備餐具。人多時，店員落單有甩漏係常態，加上腸粉要花時間即整，必須耐心等食喔。