梅光軒 (已結業)

收工唔想食太飽，去超市旁食店食一人晚餐，拉麵店嘅櫃臺幾大，光猛乾淨，收銀旁已放咗餐牌，揀好落單，再搵位坐低，我唔想四圍行，所以坐在向廚房嘅高椅！兩個男店員煮好就上菜！我問食物嘅問題都好樂意答！不過餃子只淨芝士味，而且等好耐先上！拉麵到咗20分鐘先到！（睇手機時間）太耐鹽味野菜拉麵（$88）賣相唔錯！ 好多餸！青椒好生！所以仲保持到鮮綠色，紅蘿蔔粗身，一樣比較生（唔係硬到咬唔到，係有咬口，唔係淋嘅）竹筍就淋身！加上白蔥絲同好多芽菜，芽菜爽口！無草青味！蔬菜類爽口！不過湯味道入唔到蔬菜，湯底唔算出色，鹽味湯底唔夠味（配料都淡味，湯底又無味）又唔夠濃（鹽湯都可以好香濃架）加咗啲肉碎！曲身幼麵少許彈牙！最終都比湯汁拖低了分！芝士餃子（$42）本來想叫普通餃子，店員話只剩呢款！等咗好耐！麵都食咗一半先來，餃子底好大塊脆底黏住！反轉見到餃子內有芝士！皮煙韌，半溶芝士好濃味，同平時日式餃子唔同！問咗店員，佢教我半份醋同半份醬油撈埋做汁（佢話日本人係咁樣食）脆底太厚，5隻餃子好難分開！味道係幾好！如果餃子要耐，可以差不多出餃子時先出麵！咁感覺上會好啲！不過超市食店又好難咁樣要求！店員雖然後生，竟然幾有