影片
更多
2024-02-03
2955 瀏覽
午市試左個100分鐘打邊爐任食，入左去點完餐，啲野仲未嚟（入去5分鐘都未到），已經有個男侍應無禮貌講話同我後面張枱同我張枱last order，好快啲叫埋佢。咁我呆左同佢講「我地岩岩先入嚟咋喎？」佢就好快咁講左一大輪話「總之計好時間叫」。然後我後面張枱就鼓譟話已經掃唔到QR code叫嘢。投訴明明岩岩叫last order但又無比時間人叫就cut左。但暫時我張枱仲叫到野食就以為可能咁岩侍應搞錯左就無理。之後叫左兩輪野食，但啲野都唔齊，大約叫左30樣野食，先嚟得6-7樣。（每樣只有一件，最多2件）。然後又有個男侍應叫我地好埋單。我就回「吓！我地岩岩先入嚟」（只係嚟左20分鐘左右） 然後，佢話要3:30前埋單（我地3:00入去，3:20叫埋單），咁我諗住佢可能想早少少埋數就去左埋單。然後，個QR code已經叫唔到野食！ 但大前題同事係無同我地講過埋單會叫唔到！之後揾左另一個侍應反映叫唔到野食，然後佢不停話個QR code好均真，話我地過左時，最多叫經理幫我落單。但呢間野想揾個人Show下你真係勁難。最後叫得一次經理嗌得一次野食，個經理就係岩岩好無禮貌迫人埋單果個。 咁我地就問下佢我地頭先
咁我呆左同佢講「我地岩岩先入嚟咋喎？」佢就好快咁講左一大輪話「總之計好時間叫」。然後我後面張枱就鼓譟話已經掃唔到QR code叫嘢。投訴明明岩岩叫last order但又無比時間人叫就cut左。但暫時我張枱仲叫到野食就以為可能咁岩侍應搞錯左就無理。
之後叫左兩輪野食，但啲野都唔齊，大約叫左30樣野食，先嚟得6-7樣。（每樣只有一件，最多2件）。然後又有個男侍應叫我地好埋單。我就回「吓！我地岩岩先入嚟」（只係嚟左20分鐘左右）
然後，佢話要3:30前埋單（我地3:00入去，3:20叫埋單），咁我諗住佢可能想早少少埋數就去左埋單。然後，個QR code已經叫唔到野食！ 但大前題同事係無同我地講過埋單會叫唔到！
之後揾左另一個侍應反映叫唔到野食，然後佢不停話個QR code好均真，話我地過左時，最多叫經理幫我落單。但呢間野想揾個人Show下你真係勁難。
最後叫得一次經理嗌得一次野食，個經理就係岩岩好無禮貌迫人埋單果個。 咁我地就問下佢我地頭先落果啲仲會唔會嚟，佢又係無禮貌式咁回「你掃唔到check唔到，我地都check唔到」呢啲咁玄既答案都講得出，經理係咪黎明fans 呀，直接答唔好嚟咪得囉
食食下，個經理又好無禮貌又衝過嚟不停叫我地加湯，已經回佢會加，然後佢都不停叫要加湯要加湯。總之你啲個監犯唔郁，佢呢位呀sir係唔會走同佢唔收聲。最好笑係佢架車仔同個人阻住左個出口，請問點郁呢
最後，食左一個鐘，仲要靠經理落單先有兩碟（8塊薄到唔薄既）肥牛。然後個經理又無啦啦走嚟催我地話「你地要走啦，我地要清潔」。
原來呢到100分鐘任食，20分鐘要last order（D野仲要唔會齊），30分鐘要埋單，60分鐘要走。
百幾蚊餐又有邊爐打，又有點心食，好似好吸引。掃到入面係無咩好叫。啲點心你叫蒸好既可能要40分鐘先會嚟到，急凍放入去邊爐打既點心先會快啲嚟。肥牛都係成40分鐘先會嚟。 總括然而，呢間野點心係ok，但服務態度同誠信係0。 本人第一次寫食評，仲要負評，都係呢間野太「無得頂」，希望大家唔好中伏！
張貼