泰潮 (已結業)

突然心血來潮想食泰菜，但又唔想揀太遠的，於是鎖定深水埗區。其實深水埗區的泰菜不多，所以就只好選泰潮。睇左好多食評，都話佢唔值得拎米芝連，所以我都抱住中等既期望去食。去到8點鐘，都要等下位。等位期間男朋友提醒我原來兩、三年前食過！唔記得食過佢，原因只有一個，就係不過不失，不太好味也不太差啦～我地冇叫到二人餐，只叫左一個海南雞（脾）飯餐、滷豬髀飯餐同蒜茸炒通菜。海南雞飯可加$5轉脾或翼。雞脾好滑，肥瘦適中。但油飯原全冇味，只有色素，又硬又乾，好在有調味醬汁餸飯，附送的青瓜粒都好好味，略嫌有點油。滷豬髀的肉質太淋了，雖然滷得夠入味，但口感真的不太好，配酸菜有點唔夾。蒜茸炒通菜是最正常的一味，通菜夠靚，鮮嫩冇渣。蒜香味濃，加上紅椒同薑絲，香辣可口。整體來講佢唔係話太差，不過深水埗有太多美食，佢被我遺忘是好正常的。