飛鷹餐廳

營業中

休息中

今日收工同老婆去懷舊一下，開頭諗住去金鳳嘅，跟住我老婆話佢朋友講飛鷹好食啲喎，咁就試吓啦！喺門口望吓個鐵板晚餐牌$103都覺得唔算平㗎喇，不過算啦而家興懷舊，入到去非常侷促可能今日天氣凍閂左幾部冷氣掛，一坐低見隔離叫嗰幾個牛扒我心諗中伏啦🥲咁我梗係唔叫啦，我就叫個常餐會牛脷飯，諗住正常啲掛點知，一擺上台牛脷呢切到一條條好似火腿通粉嗰幾條火腿咁，都冇煎過求其隊埋一邊咁樣，大家樂好食好多，到我老婆嗰個鐵板牛柳嚟到，係幾熱嘅塊鐵板…啲牛柳呢用鬆肉粉整到鬆晒，叫五成熟確實係有五成熟，另外就再叫多個蝦多士，個塊多士真係蝦膠就得個少少…塊多士啦勁油…算啦諗住好唔好都係一餐姐，埋單嗰陣時發覺點解多咗成$20原來要加一服務費，我即時打咗個突，佢哋有咩服務？啲嘢都未食完已經想嗱嗱聲拎走佢，問都冇問你…諗吓諗吓佢哋今時今日仲生存到真係一個傳奇食咗個背脊骨落。