Brass Spoon (已易手)

以前食過嘅越南河都係用普通粉麵舖嘅河粉。直到去過巴黎食過正宗越南人開嘅越南粉，個河粉係煙煙韌韌嘅，好好食。諗住要去越南先可以再食到…..點知就係喺Brassspoon搵返，食過好幾次，其中一次食到一半要同個客人傾少少嘢，心諗個粉一定吸晒湯會無哂咬口，點知一啲都無😱！ 湯底濃味之餘，飲完都唔使再飲水！ 以呢個價錢食到呢個質素，個人非常喜歡！ 另外都食過佢地嘅雞湯河，住家味濃，幾清（個人比較喜歡牛肉湯）。炸雞翼都唔錯，值得一試！