十二味貴陽牛肉粉 (已結業)

某日上網係團購見到呢間十二味，又係屋企附近，反正人點都要食，$99二人餐就梗係入貨啦 。 個餐包兩碗粉：清湯牛肉同紅燒牛肉，牛肉算足料夠味但一碗粉既靈魂始終係湯底，湯底好淡好薄丫，唔可以話難食，但同心目中又貴陽又十二味既期望出入太大，唯有係咁加調味，不過調味始終係調味，湯底呢個靈魂一定要時間餚出泥。個餐仲包埋飲野加手絲雞同手拍青瓜，呢兩款小菜都好正常，亦無甚可評。 團購價泥講超值，買左兩張，希望今次個湯底係失手者，下次食到果十二味出泥。其實鵝頸橋底既駱克同謝菲，因為位置唔屬一線租金相宜，每次行過總會有新既小店進駐，但亦有唔少黯然離場既:所以唔好諗咁多，係呢條街見到既都係食左先講！