好旺角麵家 (已搬遷) 新店位置

唉,又係我的戒口日記,今次就到呢間響新世紀行到旺角街頭想搵間雲吞麵鋪食個墨丸河,記得呢間有人話好好食,咁就同朋友一齊試啦,入去剛好有一千零一個2人位,就衝上去坐啦,一望張台係無餐牌的!算............我左擰擰右擰擰望啦,發現係全蛋麵,ok唔食得,再找,原來係無墨魚丸的............都算,找粥食,無雞粥,最多係魚粥,我好怕食到骨,唔食得,朋友見到d牛腩撈好細碗唔夠食,所以都係叫粥算,d伙計好多行來行去,但都唔係個個都可以落單,叫到第3個阿姐終於落得,佢叫左海鮮艇仔粥,我就搵左5分鐘先見到勉強有野啱我食,就係鮮菇瘦肉粥,睇完d水牌,就睇下d環境啦,感覺好似係80年代的裝修,但就垃圾滿地都係,,再望下左左右右食乜,,有人叫雲吞麵,但黎到得果幾啖麵,4粒雲吞就收24蚊,一見就知食2碗都唔飽的份量,之後個海鮮艇仔粥到先,配料都算幾多,問朋友好唔好食都只係話普通,然後就到我的鮮菇瘦肉粥到了,真係估唔到,唔係冬菇,係草菇?!我忘了叫走青,唔知係無的還是聽到我講過,真係無青無花生,d草菇都幾有菇味,d瘦肉就好似煲完湯之後手撕的肉條,個粥就同生記唔同,雖然都係綿,但這個比較稀,比較淡