影片
更多
2022-08-27
827 瀏覽
今次又係朋友介紹先去呢間餐廳食好野🤣🤣我哋total八個人食呢間餐廳，我想講真係好好食又平靚正，完全滿足到我想打邊爐又想食海鮮仲有雞煲嘅餐廳！！我完全冇諗到二百幾蚊就可以食到一餐咁好食嘅放題！🤣🤣一入到嚟就直接開始食雞煲，職員會俾個Timer計時器我哋，每隔2分鐘就開蓋炒一次雞，每次都要炒幾次先好食！我哋八個人就有兩個煲，可以揀大家心儀既辣度🤣🤣啲雞係份量又多又入味，仲可以俾我哋加芫荽落去炒！不過，真係唔好食咁多轉雞煲，因為要留肚食後面嗰兩款菜式！！第二款係海鮮拼盤，啲職員就一路係咁幫我哋移開啲碗碟，一路叫我哋讓位讓多少少，嗰陣碟拼盤仲未上黎個陣，其實我仲心諗點解要咁煩，到底要移開幾多野先上得菜😂😂但係大家可以望吓張圖，碟海鮮拼盤嚟咗嗰陣，我個嘴就mark到好似個盤咁大😂因為實在太驚訝，點解可以咁多款嘅海鮮仲要有粉絲同埋烏冬做伴菜！！！之前睇OpenRice其他食評都無呢碟拼盤咁大碟，應該係因為我哋有八個人，然後就每人都可以每款都食一隻，所以加加埋埋就有咁大個碟😂😂海鮮嘅味道都幾唔錯，又鮮美☺️☺️同埋重點係，平時好易肚痾嘅我都平安無事，絕對要推介呢間餐廳🥰第三款，都係冇咁出色既養生火鍋湯
一入到嚟就直接開始食雞煲，職員會俾個Timer計時器我哋，每隔2分鐘就開蓋炒一次雞，每次都要炒幾次先好食！我哋八個人就有兩個煲，可以揀大家心儀既辣度🤣🤣啲雞係份量又多又入味，仲可以俾我哋加芫荽落去炒！不過，真係唔好食咁多轉雞煲，因為要留肚食後面嗰兩款菜式！！
第二款係海鮮拼盤，啲職員就一路係咁幫我哋移開啲碗碟，一路叫我哋讓位讓多少少，嗰陣碟拼盤仲未上黎個陣，其實我仲心諗點解要咁煩，到底要移開幾多野先上得菜😂😂但係大家可以望吓張圖，碟海鮮拼盤嚟咗嗰陣，我個嘴就mark到好似個盤咁大😂因為實在太驚訝，點解可以咁多款嘅海鮮仲要有粉絲同埋烏冬做伴菜！！！之前睇OpenRice其他食評都無呢碟拼盤咁大碟，應該係因為我哋有八個人，然後就每人都可以每款都食一隻，所以加加埋埋就有咁大個碟😂😂海鮮嘅味道都幾唔錯，又鮮美☺️☺️同埋重點係，平時好易肚痾嘅我都平安無事，絕對要推介呢間餐廳🥰
第三款，都係冇咁出色既養生火鍋湯底，我哋都係有兩個煲，一款叫做蘿蔔清湯腩，另一款就係枸杞烏雞燉湯。個人認為蘿蔔清湯腩就有比較多既味精嘅感覺，我就鍾意烏雞湯底多啲！牛頸脊就係任叫，大家都可以出去拎其他唔同嘅邊爐配菜。其實我都覺得呢個火鍋都幾好食嘅，喺其他餐廳可能二百幾蚊淨係打邊爐，食唔到其他野。
但係好誠實咁講呢間餐廳有少少缺點，其一，打開𨋢門就見到有幾枱客係電梯大堂條走廊到除曬口罩打緊邊爐，就好似有十幾二十人坐喺屋企門口出面條走廊食飯咁，走火警都唔知點算😂其二，多人起上黎，幾十人連埋職員差唔多成百人共用一男一女廁，廁所隔離就係配菜區同存放住罐裝飲品既地方，女士們排隊去廁所就阻住其他客人開雪櫃拎配菜。
總結：如果間餐廳另覓地方，租間大少少既舖位或者平日既晚上先去食晚餐，我絕對會想去食多幾次👍🏻👍🏻
張貼
