樂天大喜屋 (已結業)

又來多假期，真係要搵餐廳食嘢啦。我想近近地去咗旺角創興中心搵咗間放題。Book咗12點，見到有好多人都已經一齊喺度排隊等入場。真係人山人海，完全感受到大家都已經忍耐咗好耐想出嚟食嘢嘅心！是日推介一定係鰻魚！鰻魚真係係咁叫係咁叫，叫咗幾round!!每一寸嘅食物質素都有保持！強推！花膠燉鮮奶第一下見到呢一樣嘢，喺度諗緊到底係甜定係鹹呢？原來佢係甜甜地㗎 ！仲好好食添！我哋叫咗幾次！刺身都係基本操作，不過我再叫多一次三文魚嘅時候，就真係好甜！靚靚厚切三文魚腩。壽司就細細件，唔會有好大舊飯，感覺良好。