1986地道越南餐廳 (已結業)

今日返完教會行過附近見到一間越南小店，決定入去試吓。入到去已經聽到店內幾位職員都越南話溝通，好地道。最正係後面枱客都係越南人，夠晒有說服力👍去到越南小店點可以唔試吓生牛金邊粉（$69）加青檸梳打。綜合牛肉湯檬加菠蘿沙冰（$80） 豬扒湯河粉加芒果沙冰（$60），沙冰唔會死甜，果甜濃郁，透心涼。。越式雞飯同特色雜錦飯（$68）加熱奶茶加$3，好香茶味，好抵。最好味係湯粉，因為湯底鮮甜，我都忍唔住飲晒。