見城日本料理 (已結業)

今次朋友好彩朋友Book左位,如果唔係爆哂都唔知要等幾耐呀,今次兩個人都算叫得多野食,因為我地都比較大食既,首先係依個原隻海膽,食落無咩海水味，鮮甜味都唔算太食得出，比較啖口少少,同食開個種有出入,之後當然要叫Toro,食落有陣陣甘甜既魚味，最緊要係食完個種餘香,魚個種甘香係個口都長期唔散，夠哂正! 之後就到我鍾意既三文魚壽司,食落幾新鮮嫁,又夠哂大舊，脂肪都算分怖得夠平均唔錯, 鮭魚子壽司,今次食既另一種鮭魚子，睇落依個魚子係一串串﹐食落特別甜。依個係唔洗點豉油嫁，因為食落去好Juicy，多汁之外又有少少鹹又有鮮甜味。之後就開始食燒野喇,首先係燒元貝,面頭落左少少豉油一齊燒，加埋紫菜，食落熱辣辣,又有少少脆卜卜，元貝夠大隻之餘食落都好鮮甜，好食。