帝福樓

營業中

休息中

第一次食過晚飯會覺得冇人推介，而為佢感到可惜嘅餐廳。唔知係咪因為地方比較格涉，所以唔算多客人，變相又食得比較舒服。呢期佢有個滙豐信用卡嘅優惠買一送一，見到個Menu都覺得ok ，所以就叫咗試吓。真心覺得有驚喜，除咗我個人唔係咁鍾意食魚，其他每一樣菜式都好味。尤其係個頭盤嘅冰菜、翡翠豆腐同埋叉燒，同埋個「紫砂壺珍珠貝海底椰燉鱷魚肉」，值得俾個👍🏻！個炒飯夠乾身，有口感。美點三重奏包括一隻雞仔外型嘅鳳梨酥，另外白色嗰舊係馬豆糕，再加一碗起沙嘅紅豆沙。服務方面相當滿意，殷勤，細心。