四寶食堂 (已搬遷) 新店位置

因為喺炮台山返工關係，基本上每朝返工都會去食早餐，所以其實都試過好多唔同餐廳嘅早餐，最後同事介紹我去呢間四寶，果然好味！最鍾意佢外賣會將麵同湯分開裝，返到公司都唔會淋晒，太細心。而家已經變左我每朝返工指定嘅早餐餐廳！另外，如果細心留意，其實佢地啲夥計好有善，我諗好難茶餐廳會有人情味，但係呢度我見到有，真心希望可以維持水準，保持食物質素，唔好食食下又變難食。今日堂食食左一個叉燒蛋飯，wow！好正！如果可以多啲蔥同豉油就更好！我今日都忍唔住同個侍應講，啲嘢食真係好好味。