影片
更多
2024-03-26
117 瀏覽
🐷🐷🐷🐷🐷幾日前喺尖沙咀心血來潮好想食韓國菜，見到呢間韓國餐廳用餐位置寬敞，價錢合理，行過路過咁多次一於試下~▪️香辣燉牛排骨 ($280)呢一道菜基本上係我自己一個清晒，因為同台嘅人都唔食辣，香辣並重，醬汁濃郁，牛排骨肥瘦參半而且份量十足。一個好大嘅加分位就係佢嘅紅蘿蔔同白蘿蔔都煮得軟腍入味。▪️香煎蠔餅 ($180)一樣都係十分足料，食落啖啖蠔仔🦪 唔會有食緊麵粉嘅感覺，外脆內軟，夠晒鑊氣。▪️炸醬麵 ($110)賣相睇落去好似好重口味，但係食落啱啱好，適當嘅大醬香味加上淡淡洋蔥香。面質亦彈牙有口感，係一款幾唔錯嘅主菜。▪️牛尾湯 ($130)最後以牛尾湯作收尾，湯底用牛骨熬得鮮味十足，飲得出係真材實料。💰700+10%/2 person📍 夜首爾 (尖沙咀)尖沙咀寶勒巷13-15號寶力大廈地舖
幾日前喺尖沙咀心血來潮好想食韓國菜，見到呢間韓國餐廳用餐位置寬敞，價錢合理，行過路過咁多次一於試下~
▪️香辣燉牛排骨 ($280)
呢一道菜基本上係我自己一個清晒，因為同台嘅人都唔食辣，香辣並重，醬汁濃郁，牛排骨肥瘦參半而且份量十足。一個好大嘅加分位就係佢嘅紅蘿蔔同白蘿蔔都煮得軟腍入味。
▪️香煎蠔餅 ($180)
一樣都係十分足料，食落啖啖蠔仔🦪 唔會有食緊麵粉嘅感覺，外脆內軟，夠晒鑊氣。
▪️炸醬麵 ($110)
賣相睇落去好似好重口味，但係食落啱啱好，適當嘅大醬香味加上淡淡洋蔥香。面質亦彈牙有口感，係一款幾唔錯嘅主菜。
▪️牛尾湯 ($130)
最後以牛尾湯作收尾，湯底用牛骨熬得鮮味十足，飲得出係真材實料。
💰700+10%/2 person
📍 夜首爾 (尖沙咀)
尖沙咀寶勒巷13-15號寶力大廈地舖
張貼
