甜一點

營業中

休息中

好耐冇見嘅朋友，喺旺角食完飯，又未傾夠，就搵間甜品店食下，繼續吹水😝行過女人街見到一間粉紅色嘅甜品店，俾佢嘅粉紅色顏色吸引咗，就入咗去試吓。叫咗幾樣甜品，有椰汁紫米，小黃人，窩夫唔少得（老闆話係佢哋嘅招牌來），仲叫咗隻香蕉船。甜品真正嘅名唔記得🤣🤣🤣椰汁紫米，價錢最平， 但好有驚喜，冬天食暖笠笠👍🏻👍🏻小黃人其實係個雜果沙冰，呢個超好味，個人認為😋，生果好新鮮，下面嘅沙冰係重芒果味，感覺似芒果雪糕同芒果沙冰之間😍😍香蕉船就唔係好多驚喜，但係都好食。佢個特色窩夫，係好特別嘅，用咗牛角包夾出嚟，都好好味😋！因為牛角包都係我好鍾意嘅食物。總括嚟講，全部都冇失望！好味👍🏻👍🏻