振興肉丸

營業中

休息中

聽聞大埔振興肉丸字號老，超過五十年，肉丸出名，既然嚟到大埔，一於選購回家品嚐。舖頭面積一般，但係一排排凍櫃，不同嘅肉丸款式，林林總總，傳統或創新的口味，一應俱存，令人花多眼亂，揀咗幾款口碑好及地道嘅就走。回家用上湯煮，趁熱試吓。牛骨濃汁牛丸有鮮味，爽口彈牙，juicy多汁，內裡有牛筋健康豬肉丸有一貫豬肉丸嘅香酥脆口，爽甜滋味，慢慢滲透，要細味品嚐。魚旦小籠包及麻辣小籠包都係創新品種，縮細版小籠包外型，小巧得意，細細粒，相信細蚊仔一定鍾意。咬開爽脆外皮就有免治肉做餡，幼滑多汁麻辣小籠包嘅麻辣味稍為未夠爆發力，相信加重辣味，效果會更突出。振興肉丸標榜無人造色素及防腐劑，較為安心食用，可以試多啲其他款式。