晉皇山西刀削麵館

營業中

休息中

今日去咗天后食刀削麵，星期五嘅夜晚呢間小店都超多人，不過座位都唔算好窄，坐得都舒服。滋味小食越式春卷$35 有6條，呢個春卷超脆，入面全部都係芋頭蓉，大讚！食到唔停口。熱拌刀削麵單餸$52加一個餸$8，朋友要左大腸同豬軟骨，啲餸份量都好多，大腸好大舊，熱拌就撈埋啲醬一齊食，我自己就鍾意食湯多啲。口水肥牛刀削麵$50，我叫咗個湯嘅刀削麵，啲麵好煙韌，唔會太淋又唔會太硬，質感非常好，真材實料，不過真係好飽。口水肥牛都有啲辣，好惹味，肥牛下低塞住啲青瓜好清新。飲品跟餐加配，我地要左凍檸樂同凍檸茶。