瓊天 (已結業)

同阿女去銅鑼灣行街，經過一間叫瓊天的餐廳，廚窗放咗好多隻海南雞，睇落十分吸引，門口餐牌價錢公道而且重做緊優惠價，阿女話入去試吓！極品佛跳牆鮑參翅肚：店內所有燉湯都係原盅燉，並用密封紙包住，可避免盅外的水分滲入。達到最佳的密封效果。佛跳牆真材實料原盅燉，有原隻鮑魚、魚翅、海參、花膠、元貝等，湯底鮮甜香濃。皇牌燉湯飯：有飯有湯好抵食。招牌脫骨海南雞飯，海南雞及油飯份量適中，海南雞已經去骨，雞肉比較肥美，雞皮滑而不厚，有啫喱狀雞油。油飯微黃，味香而不油。花膠螺頭桂圓湯，螺頭具有滋陰補腎作用，花膠含豐富膠質，再加入補血氣恩物桂圓及明目枸杞，更加滋補，湯汁味道清甜濃郁。招牌脫骨海南雞拼無骨豬手飯，無骨豬手即係燻蹄，肥瘦肉相間，味道清爽。黑瑪珈壯腰強筋補腎湯，材料有秘魯的黑馬卡、巴戟、杜仲、牛大力等，黑瑪珈味道甘香濃烈，用於燉湯有助增強人的抗疲勞能力，巴戟杜仲功效滋補肝腎、強壯筋骨 ，牛大力可以平肝潤肺，強筋活絡，呢個補湯補腎壯腰，調氣血，強筋骨最適合男士飲用。