101台式休閒餐廳 (千色匯) (已結業)

荃灣千色店前面地下開左間101台式休閒餐廳，放工入去餓住食，餐廳光猛頂濶，簡約得嚟感到時尚，枱小小仲可內置電池爐，打開餐牌有唔同主題，如台式小火鍋一人套餐，有鍋物＋主食＋加配飲品優惠、台灣麻辣湯、麻醬涼拌麵系列、經典台式飯類系列、香蔥海苔燒汁飯系列、101經典肉燥飯系列，心大心細下終於決定要試台式藥膳湯系列，台灣藥膳農場醉雞米線（$49），加左$2轉手工拉麵，嚟到好大碗，北耆黨參大紅棗大件雞肉，差D見唔到麵，先飲啖湯，有酒味之餘仲可飲到藥材味，雞件都好味，雖然手工拉麵就普通左D，不過整碗湯已經超值👍🏼之前眼闊肚窄之下仲趕加左三隻鹵水雞翼（$20），真係有D格硬食，下次我會叫多個朋友嚟分享分享😆