樂法 (已結業)

之前去台灣超鍾意呢間水果茶飲店，配搭特別顏色又靚，嗰日純粹經過銅鑼灣竟然畀我見到佢登陸了！menu方面同台灣差不多，呢度主打水果乳酪系列，梗係要使啦。蘋果優酪 $38店主話佢哋整大杯會用上3粒蘋果，的確飲品面頭都係滿滿嘅蘋果蓉泡沫，青蘋果清甜解渴加埋微酸乳酪，係好爽嘅選擇，最爽係之前一直未能供應呢杯特飲，我買嗰日剛好有貨，係開業以來第一杯呢！青奶蓋歐蕾 $25唔飲水果嘅茶類一樣正，好似呢杯咁，南投烏龍茶確實係茶香滿滿，甘香茶味加上乳酪味相當厚實嘅奶蓋確係高出一線，因為奶蓋味道已經好足夠，建議飲無糖或者一分糖。