老鍋台式火鍋 (已結業)

火鍋真係百吃不厭，特別天氣涼涼地，打邊爐係首選，食完成身暖笠笠，今日食呢間台鍋，好有台灣風味。膠原蛋白美人鍋 $228一上枱好足料，半隻烏雞粟米菇類好多藥材，個底仲有大量桃膠，飲左碗湯好香濃，烏雞好滋補，好正。美國梅花豬肉 $98豬肉肉味濃郁，好軟林肥瘦適中，每片都好大片。千張豆葉紙 $48第一次食覺得好得意，真係紙咁薄，浸一浸湯就食得，好香豆味。皮蛋貢丸 $58貢丸爽口彈牙，餡係皮蛋好香濃，不過要小心熱。響鈴卷 $48店員話3秒就食得，響鈴卷香脆可口，吸哂湯汁，不得了。冬瓜茶 $22老公話同台灣飲嘅一樣味，打邊爐飲下可以下火。