吉野家 (鴻都大廈)

營業中

休息中

五月二十六日、晴、天氣酷熱難擋，好似係我記憶中最悶熱的一個五月，當日放假的我自己一條友到旺角逛下街買下日用品，我没有吃lunch因為午飯的價錢總比下午茶貴，雖然係餓爆肚但我一於忍者小靈精上身  忍、忍、忍、忍、忍到下午茶時間先去食! 想賺我的血汗錢? 都唔係咁easy嘅!我要佐碗 海苔玉子牛肉飯下午茶價$17 配熱綠茶，不過天氣熱就加$7 換了杯綠茶红豆冰海苔玉子牛肉飯- 話係下午茶，但係都幾大碗，買相吸引，有D紫菜係面但份量很少，似係做2打6或係陪襯居多，溫泉蛋半生熟， 蛋脹仆仆而且好滑， 蛋味又香又濃烈！牛肉的味道好濃又嫩口。飯用珍珠米， 口感唔錯，混埋D蛋汁撈來食， 感覺一流。綠茶红豆冰- 味道都算幾好，綠茶同紅豆幾夾，豆又夠淋又夠大粒，夠甜又唔算過份的甜，總之就係very good taste啦。有碗飯食，又有杯冰飲，真正合理的下午茶。