影片
更多
2021-02-04
1857 瀏覽
難得過大海，梗係要試下啲平時少食嘅菜式啦！睇完杜生嘅YouTube，見到店主即使係意大利人但對於香港嘅野都事事上心😢之前又係fb見到佢分店嘅招聘，覺得佢好親民好㜺鬼，就決定試下佢！舖頭都算大，12點一開入面已經坐左幾張台😳都有好多人排隊入面有一個玻璃位係睇到廚師整pizza，透明度好高，岩曬啲好奇寶寶🤪==============================🍕 Jacomax 📍 上環永樂街38-42號東成商業大廈地下C舖 （上環站A2出口，步行約1分鐘）⏰ 星期一至日 12:00 - 22:00==============================1️⃣ 【藍芝士蘋果薄餅 】 $168佢所有pizza都係得一個size，如果想試pizza，就可能唔可以試到好多，除非你有一個大食的朋友/ 一班人咁食，咁就可以試多啲唔同嘅野食啦😚因為限聚令，所以2個人都食唔到好多🥺小編開頭對藍芝士係有少少抗拒，因為以我印象中，呢種芝士係好臭同有奇怪味🤢但見杜生推薦完，又係好熱門，咁就決定試下啦! Pizza一上到黎竟然係一種好香，令人垂涎三尺嘅香味，即刻搞到我地好肚餓☠️以賣相黎講，佢都好圓，啡黃
睇完杜生嘅YouTube，見到店主即使係意大利人但對於香港嘅野都事事上心😢
之前又係fb見到佢分店嘅招聘，覺得佢好親民好㜺鬼，就決定試下佢！
舖頭都算大，12點一開入面已經坐左幾張台😳都有好多人排隊
入面有一個玻璃位係睇到廚師整pizza，透明度好高，岩曬啲好奇寶寶🤪
==============================
🍕 Jacomax
📍 上環永樂街38-42號東成商業大廈地下C舖
（上環站A2出口，步行約1分鐘）
⏰ 星期一至日 12:00 - 22:00
==============================
1️⃣ 【藍芝士蘋果薄餅 】 $168
佢所有pizza都係得一個size，如果想試pizza，就可能唔可以試到好多，除非你有一個大食的朋友/ 一班人咁食，咁就可以試多啲唔同嘅野食啦😚
因為限聚令，所以2個人都食唔到好多🥺
小編開頭對藍芝士係有少少抗拒，因為以我印象中，呢種芝士係好臭同有奇怪味🤢
但見杜生推薦完，又係好熱門，咁就決定試下啦!
Pizza一上到黎竟然係一種好香，令人垂涎三尺嘅香味，即刻搞到我地好肚餓☠️
以賣相黎講，佢都好圓，啡黃色嘅皮邊都有啲厚度，蘋果片分布都好均勻，每一塊都會一定食到👻
佢亦都會預先幫你切好左，分做8塊，咁就唔怕自己分得樣衰衰，影響佢賣相，又唔怕煩🤡
因為佢係傳統意式pizza，並唔係脆底，切起上黎有少少難切，用手食pizza都特別開心啲😂
一拎起塊pizza，就會見到啲芝士拉絲嘅狀態，即刻心心眼左😍
佢雖然算係薄嘅pizza，但pizza底唔會過濕令到pizza尖端會過重dur落🙄
蘋果嘅清新令個pizza有個意外嘅味道🍎
話明老細係意大利人，咁藍芝士就梗係用番意大利嘅古岡左拉芝士🧀
呢種芝士有少少咸嘅味道，又有好香嘅牛奶味🍼
芝士同蘋果真係無諗過隻味係唔奇怪，反而有驚喜🤯
（🔥 怒食指數：9/10）
2️⃣ 【西柚肉配煙三文魚果仁沙律】$148
食左啲咁熱氣嘅野，梗係配啲清新啲，又唔會好飽嘅野👾
4款沙律🥗入面，其他嗰啲都比較common，而好少見西柚肉🤨
小編其實唔係好鍾意沙律，好怕啲草青味🌱🤢
但好彩佢都有適量嘅沙律醋幫左我幫左我🤫
面頭都有啲西柚肉同埋有一舊檸檬🍋，呢兩樣野令到成個沙律好新鮮，好fresh🌱
煙三文魚大概有4，5塊左右，都算大塊😋
成個份量都算多，食落都好清新，但食完好似唔係好覺有果仁🤔🤣
（🔥 怒食指數：9/10）
==============================
🔥評分：
環境：9/10 （堂食）
味道：9/10
性價比：9/10
服務：8/10
總分：8.8/10
==============================
以下分店係比餓到嬲嘅大家作參考去懲罰佢地😡
📍 銅鑼灣渣甸街50號渣甸中心地鋪
（銅鑼灣站F1出口，步行約2分鐘）
⏰ 星期一至日 12:00 - 22:00
==============================
💢 所有食物設有加一服務費！
💢 外賣自取8折！
藍芝士蘋果薄餅
$168
76 瀏覽
0 讚好
0 留言
藍芝士蘋果薄餅
$168
62 瀏覽
0 讚好
0 留言
西柚肉配煙三文魚果仁沙律
$148
87 瀏覽
0 讚好
0 留言
張貼
